«Belgili bolǵandaı, Densaýlyq saqtaý mınıstrligi búgingi kúni toǵyz qazaqstandyqtyń koronavırýs juqtyrǵanyn resmı málimdedi. Qazir olar dárigerlerdiń baqylaýynda. Olarmen baılanysqa túsken adamdar da qazir medısınalyq baqylaýǵa alyndy. Qazaqstan kóptegen elden buryn Úkimet deńgeıinde arnaıy saraptamalyq shtab pen vedomstvoaralyq komıssııa qurdy, vırýstyń taralýyna qarsy áreket etý josparyn qabyldady.
Dúnıejúzilik densaýlyq saqtaý uıymy jarııalaǵan pandemııa aýqymdy qaýipke ıe bolyp otyr. Sondyqtan qazaqstandyq zańnamaǵa sáıkes elimizdiń aýmaǵynda Tótenshe jaǵdaı engizý týraly Jarlyqqa qol qoıdym» dedi Prezıdent.
