Qoǵam • 16 Naýryz, 2020

Tótenshe jaǵdaı rejımin qamtamasyz etý jónindegi memlekettik komıssııa otyrysy ótti

59 retkórsetildi

Premer-Mınıstr Asqar Mamınniń tóraǵalyǵymen Prezıdent janyndaǵy Tótenshe jaǵdaı rejımin qamtamasyz etý jónindegi memlekettik komıssııanyń alǵashqy otyrysy ótti. Bul týraly Premer-Mınıstrdiń baspasóz qyzmeti habarlady.

Qazaqstanda koronavırýstyq ınfeksııanyń odan ári taralýyna jol bermeý sharalary týraly Densaýlyq saqtaý mınıstri E. Birtanov, ekonomıkany turaqtandyrý týraly Ulttyq ekonomıka mınıstri R. Dálenov, iri saýda nysandarynyń jumysyn shekteýge qatysty jaǵdaı men áleýmettik mańyzy bar taýarlardyń baǵasy, óńirlerdegi ahýal týraly Saýda jáne ıntegrasııa mınıstri B. Sultanov, kólik salasy týraly ındýstrııa jáne Infraqurylymdyq damý birinshi vıse-mınıstri Q. О́skenbaev, qoǵamdyq qaýipsizdikti qamtamasyz etý týraly Ishki ister mınıstri E. Turǵymbaev, aqparat jáne baılanys salasyndaǵy jaǵdaı týraly Sıfrlyq damý, ınnovasııalar jáne aeroǵarysh ónerkásibi mınıstri A. Jumaǵalıev, bilim berý salasyndaǵy ahýal týraly Bilim jáne ǵylym mınıstri A. Aımaǵambetov, qarjylyq turaqtylyqty qamtamasyz etý týraly Qarjy naryǵyn retteý jáne damytý agenttiginiń tóraǵasy M. Ábilqasymova jáne Ulttyq Bank tóraǵasy E. Dosaev baıandady. 

Oblys ákimderi men respýblıkalyq mańyzy bar qalalar ákimderiniń koronavırýstyń taralýyna jol bermeý jáne óńirlerde áleýmettik-ekonomıkalyq turaqtylyqty qamtamasyz etý boıynsha qabyldanyp jatqan sharalar týraly baıandamalary tyńdaldy. 

Úkimet basshysy barlyq uıymdar men nysandarda sanıtarııalyq-epıdemııaǵa qarsy sharalar ótkizý, dárihanalar jelisin dári-dármektermen jáne jeke qorǵanysh quraldarymen qamtamasyz etý boıynsha sharalardy kúsheıtýdi tapsyrdy. 

Ishki ister mınıstrligi men arnaıy memlekettik organdarǵa koronavırýstyń taralýymen kúresýge tartylǵan medısınalyq jáne karantındik nysandardy qorǵaýdy kúsheıtý tapsyryldy.

«Saýda jáne ıntegrasııa mınıstrligi iri saýda jelilerimen jáne azyq-túlik taýarlarynyń jetkizýshilerimen, sondaı-aq ákimdiktermen barlyq qajetti ónimder men alǵashqy qajettilik taýarlaryn úzdiksiz qamtamasyz etý máselesin pysyqtaýy tıis», — dedi A. Mamın. 

Premer-Mınıstr Sıfrlyq damý, ınnovasııalar jáne aeroǵarysh ónerkásibi mınıstrligine joǵary jyldamdyqty ınternettiń jumys isteýi men qyzmetterdi barynsha elektrondy túrde kórsetýdi qamtamasyz etýdi jáne qashyqtyqtan jumys isteý rejımine kóshýdi yntalandyrýdy tapsyrdy.

«Ákimder Memleket basshysynyń Tótenshe jaǵdaıdy engizý týraly Jarlyǵyna sáıkes jergilikti jerlerde tyıym salynǵan jáne shekteý qoıylǵan sharalardy iske asyrýdy jeke baqylaýǵa alýy tıis. Barlyq azamattarǵa eldegi turaqty jaǵdaıdy saqtaý jáne Qazaqstanda koronavırýstyń taralýyn boldyrmaý úshin barynsha kúsh salý qajet», — dep túıindedi A. Mamın.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar