1986 jylǵy qyz Almatyǵa 15 naýryz kúni Ystambuldan ushyp kelgen. Keshegi eń sońǵy aqparat boıynsha elimizde koronavırýs juqtyrǵan naýqastardyń sany 10-ǵa jetti. Atap aıtqanda onyń 8-i Almaty qalasynda tirkelse, 2- 3 Nur-Sultan qalasynda anyqtaldy. Búginde 1536 adam stasıonarlyq karantınde bolsa, 1094 azamat úı karantıninde.
Mınıstrlik QHR-dan jáne shekaralas memleketterden kelgen azamattarǵa monıtorıng jalǵasyp jatqanyn da jazdy. Barlyq sanattar boıynsha monıtorıngke 2745 adam alynǵan. Onyń ishinde 1 «A» sanaty boıynsha – 1706 adam, 1 «B» sanaty boıynsha – 656 adam, 2-sanat boıynsha – 383 adam. Jalpy keshe keshke deıin dene qyzýymen jáne JRVI belgilerimen 132 adam aýrýhanaǵa jatqyzylǵan. Onyń 40-y 1 «B» sanatyndaǵy, 43-i 2-sanattaǵy, al 49-y 3-sanattaǵy elderden kelgender. Bas sanıtarlyq dárigerdiń qaýlysymen bul pasıentterdiń barlyǵy algorıtmge sáıkes ınfeksııalyq stasıonarǵa jatqyzyldy.
Resmı aqparatty Densaýlyq saqtaý mınıstrliginiń saıtynan jáne Feısbýktegi paraqshasynan oqı alasyzdar jáne ózge de suraqtar boıynsha táýlik boıy jumys isteıtin 1406 baılanys-ortalyǵyna qońyraý shalýǵa bolady.
