Qoǵam • 17 Naýryz, 2020

Tótenshe jaǵdaıdan turǵyndar zardap shekpeýi tıis

22 retkórsetildi

Tótenshe jaǵdaı ornaǵan Oral qalasynda turǵyndarǵa qandaı qamqorlyq jasalyp jatyr? Bul jóninde oblystyq basqarmalar men Oral qalasynyń ákimi ne deıdi?!

 

Oral qalasynyń ákimi Abat Shynybekovtyń aıtýynsha, qalada jedel shtab qurylyp, barlyq memlekettik jáne arnaýly qyzmet oryndary kúsheıtilgen jumys rejımine kóshken. «Ásirese, turǵyndardy ómirlik mańyzy bar qajettilikpen qamtıtyn «Batys sý arnasy», «Jaıyqjylýqýat» sekildi strategııalyq nysandardyń jumysy erekshe qadaǵalanýda. Oblys ortalyǵynda jumys istep turǵan 1446 bıznes nysanynyń jumysyna tótenshe jaǵdaıǵa baılanysty ózgerister engiziledi. Bul nysandardyń basshylaryna tıisti eskertý hat jiberildi» dedi qala ákimi.

Tótenshe jaǵdaıǵa baılanysty Oral qalasynda qurylǵan jedel shtab ókilderi qala aýmaǵyn 20 sektorǵa bólip, barlyq sektorda ornalasqan kásipkerlik nysandary men mekeme-kásiporyndardy tótenshe jaǵdaı rejımine kóshirdi.

– Qala boıynsha 80 saýda úıi, 22 bazar, 117 meıramhana, 213 dámhana jáne 26 fılıaly bar 11 ámbebap-dúken jumys isteıdi. Sonymen qatar 653 azyq-túlik dúkeni, 25 sharýashylyq dúkeni, 15 fıtnes klýb, 24 qorqorhana, 5 túngi klýb bar. Osy shaǵyn jáne orta bıznes nysandarynyń ıelerine eskertý hattary joldandy. Usynys negizinde halyq kóp jınalatyn oryndardyń jumysyn ýaqytsha toqtatý týraly sheshim qabyldady. Búgingi kúni 4 kınoteatr, 9 balalar oıyn-saýyq ortalyǵy jumysyn toqtatty. Saýda oryndary jumystaryn toqtatqanymen, ol ǵımarattardaǵy azyq-túlik satatyn sýpermarketter jumys isteı beredi. Sanıtarlyq-epıdemıologııalyq qyzmet talabyna sáıkes ár eki saǵat saıyn sanıtarlyq-dezınfeksııalaý sharalaryn júrgizýde. Qala aýmaǵynda 21 bazardaǵy sanıtarlyq-epıdemıologııalyq qaýipsizdikti qamtamasyz etý úshin tıisti qurylymdyq bólimsheler jáne jergilikti atqarýshy organdar ókilder arnaýly jumys júrgizýde, – dedi qala ákimi Abat Abaıuly.

Aıta keteıik, qyzmeti ýaqytsha toqtatylǵan mekeme-kásiporyn qyzmetkerlerine keminde eń tómengi aılyq mólsherinde jalaqy tólenýi tıis.

Oral qalasynda 28 baǵyt boıynsha jolaýshy tasymalymen aınalysatyn 6 avtoparktiń 400-deı avtobýsy ár aınalym saıyn dezınfeksııalyq buqyrlaý sharalarynan ótedi.

Batys Qazaqstan oblystyq Taýarlar men kórsetiletin qyzmetterdiń sapasy men qaýipsizdigin baqylaý departamenti basshysy Muhamǵalı Aryspaevtyń aıtýynsha, oblysta búgingi tańda epıdemıologııalyq jaǵdaı turaqty. Koronavırýs tirkelgen joq. Infeksııa taralýynyń aldyn alý úshin shetelden kelgenderge táýlik boıy monıtorıng júrgiziledi. Sońǵy derek boıynsha 89 adam baqylaýda. Onyń ishinde 1 «A» sanatynda – 6, 1 «B» sanatynda – 50, 2-sanatta – 30, 3-sanat boıynsha – 2 adam qadaǵalaýǵa alynǵan. Koronavırýstyq ınfeksııaǵa laboratorııalyq zertteý júrgizý úshin Ulttyq saraptama ortalyǵynyń oblystyq fılıalynda qajetti barlyq jabdyq bar. Sondaı-aq 13 naýryzdan bastap Batys Qazaqstan oblysymen shektesetin Orynbor, Samara, Saratov baǵytyndaǵy shekara beketterinde, Jánibek pen Saıhyn eldi mekenderindegi avtobeket ótkelderinde epıdemıolog mamandardyń kezekshiligi uıymdastyrylǵan.

О́ńir basshylary erekshe nazar aýdaryp otyrǵan másele – halyq jıi tutynatyn áleýmettik azyq-túlik baǵasynyń kóterilýi.

Batys Qazaqstan oblystyq Kásipkerlik jáne ındýstrıaldyq-ınnovasııalyq damý basqarmasynyń basshysy Ernar Beketovtyń aıtýynsha, óńirde áleýmettik mańyzy bar tizimge engizilgen 19 túrli azyq-túliktiń mólsheri jetkilikti. Iаǵnı baǵanyń kúrt ósýine esh negiz joq. Biraq qala bazarlarynda qanttyń, pııaz ben kartoptyń baǵasy kúrt ósip ketkeni baıqalǵan.

- Biz bul jaıttardyń arqaısysyn tekserý júrgizip, anyqtaımyz. Buǵan deıin oblys aýmaǵyndaǵy baǵa turaqtylyǵyn qamtamasyz etý jóninde apta saıyn turaqty monıtorıng júrgizilse, endi kúndelikti monıtorıng jasaýdy qolǵa aldyq. Saýdany júzege asyratyn barlyq mekemege arnaıy eskertý hat jiberildi. Eger baǵanyń negizsiz ósýi anyqtalatyn bolsa, naqty sharalar qabyldanatyn bolady. Ondaı saýda oryndaryna 100 AEK kóleminde aıyppul salynady. Qazir oblys boıynsha áleýmettik mańyzy bar taýarlar óndirisiniń balansy jasaqtaldy. Negizgi áleýmettik mańyzy bar taýarlarǵa tapshylyq joq. Respýblıkanyń basqa da óńirlerimen tyǵyz baılanys ustap otyrmyz. Mysaly, bizdiń óńirde óndirilmeıtin, óspeıtin keıbir taýardy, mysaly, qant pen qaraqumyqty ózge óńirden jetkizý máselesi kelisilip jatyr, – dedi Ernar Beketov.

Qazaqstan Respýblıkasy Prezıdentiniń 15 naýryzdaǵy tótenshe jaǵdaıdy engizýi týraly Jarlyǵyna baılanysty iri saýda nysandarynyń jumys ýaqyty shektelip, sanıtarlyq sharalar kúsheıtilýi tıis. Azyq-túlik dúkenderi, sýpermarketteri, bazarlary jáne avtokólikterge janarmaı quıý beketteri men medısınalyq taýarlardy taratatyn nysandar ádettegi rejımde jumys isteıdi. Nan jáne kondıterlik ónimder qaptalǵan kúıde ǵana satylady. Budan bólek jaıma bazarlardyń jumysy 11.00-den 17.00-ge deıin, dámhana-meıramhana jáne qoǵamdyq tamaqtaný oryndarynyń jumysy 22.00-ge deıin shekteledi. Ári dámhana-meıramhanalarǵa keletinderdiń sany 50-den aspaýy kerek. Tótenshe jaǵdaıdyń engizilýine oraı bekitilgen talapty oryndamaǵandar 10 AEK kóleminde aıyppul tóleıdi nemese 15 táýlikke qamaqqa alynbaq.

Batys Qazaqstan oblysy Reseı Federasııasynyń 5 oblysymen shektesetini málim. Osyǵan oraı eki el arasynda qarym-qatynas jıi bolatyny túsinikti. «Tótenshe jaǵdaı jarııalanýyna baılanysty endi shekaradan ótý tek sheteldik tólqujat arqyly júrgiziledi» degen qaýeset shyǵyp, Oral qalasyndaǵy Halyqqa qyzmet kórsetý ortalyǵynyń tólqujat bólimine kelýshiler nópiri tym kóbeıip ketken. Búgin Batys Qazaqstan oblystyq Kóshi-qon qyzmeti basqarmasynyń bastyǵy Bekbol Ortaev tótenshe jaǵdaıǵa baılanysty eki el arasynda azamattardyń shekaradan ótýine ýaqytsha shekteý qoıylatynyn, sondyqtan sheteldik tólqujat alýdyń qajeti joqtyǵyn túsindirdi. Al HQKO oryndarynda halyqtyń tym kóp shoǵyrlanýyn boldyrmas úshin Oral qalasyndaǵy 20 mektepte halyqtyń óz-ózine elektrondy formatta (e.gov portaly) qyzmet kórsetý sektory uıymdastyrylǵany habarlandy. Bul jerlerde «elektrondy kilti» bar kez kelgen turǵyn ózine kerekti anyqtamany esh kezeksiz ala alady.

 

Batys Qazaqstan

Sońǵy jańalyqtar

Álem únemdele bastady

Álem • Búgin, 18:23

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Gúl naryǵy da naıqalyp jatyr...

Qoǵam • Búgin, 15:25

Qazalyda kim qaýeset taratty?

Aımaqtar • Búgin, 14:30

TJ rejimin oıynshyq kóretinder kóp

Aımaqtar • Búgin, 14:19

Zeınetaqy men járdemaqylar ósti

Ekonomıka • Búgin, 14:12

Tumaýdan otyz ese tez juǵady

Suhbat • Búgin, 14:00

Uqsas jańalyqtar