«Oblys aýmaǵynda iri saýda nysandarynyń jumys isteýine saǵat 10-nan saǵat 18-ge deıin sanıtarlyq jáne dezınfeksııalyq sharalardy kúsheıte, fýnksııalardy tolyq oryndaı otyryp shekteý qoıý. Azyq-túlik dúkenderi, azyq-túlik sýpermarketteri men azyq-túlik bazarlary sanıtarlyq jáne dezınfeksııalyq is-sharalardy kúsheıte otyryp, ádettegi rejımde jumys isteýi tıis. Satyp alýshylarǵa qoljetimdi nan-toqash, kondıterlik jáne ózge de ónimderdi satý tek oralǵan túrde bolýy kerek. Kıim-keshek bazarlarynyń jumysyn saǵat 11-den saǵat 17-ge deıin sanıtarlyq jáne dezınfeksııalyq is-sharalardy kúsheıte otyryp shekteý qoıý. Halyqqa azyq-túlikterdi, zattar men dári-dármekterdi onlaın satyp alýdy jáne jetkizýdi keńeıtý boıynsha jumystar júrgizilýde», dedi Nurjan Kalenderov.
Sonymen qatar ol óńirdegi dámhanalar men meıramhanalardyń qoǵamdyq tamaqtandyrý jumysyn saǵat 22.00-ge deıin kelýshiler sany 50 adamnan aspaıtyn sanıtarlyq jáne dezınfeksııalyq sharalardy kúsheıte otyryp, sondaı-aq, qoldy tazalaýǵa arnalǵan sanıtaızerler ornata otyryp shekteý qoıý kerektigin aıtty. Prezıdent Jarlyǵynda kórermenderdiń qatysýymen ótetin sporttyq is-sharalardy, sondaı-aq, jappaı otbasylyq saltanattar men estelik salttardy ótkizýge tyıym salý týraly naqty aıqyndalǵandyqtan, saýda ortalyqtarynda, kınoteatrlarda, teatrlarda, kórmelerde, fıtnes-ortalyqtar men jattyǵý zaldarynda, túngi klýbtarda, adamdar kóp jınalatyn basqa da nysandarda oıyn-saýyq aımaqtarynyń jumys isteýine tyıym salý kerektigin aıtty. «Saýda – oıyn-saýyq ortalyqtarynda ornalasqan dárihanalar, azyq-túlik jáne azyq-túlik emes dúkender jumysyn jalǵastyrady jáne sanıtarlyq qaýipsizdiktiń qatań sharalaryn saqtaı otyryp jumys isteıtin bolady. Mektepten tys qosymsha bilim berý nysandary jabylady», dedi ol.
Jambyl oblysy
