Eń aldymen álem kartasynda Qazaqstan degen táýelsiz memlekettiń paıda bolýy Nursultan Nazarbaev bılik etken kezeńmen baılanysty ekeni eske oralady. Tuńǵysh Prezıdent tusynda elimiz halyqaralyq arenada oıyp turyp oryn aldy. Sodan beri ózin jaýapkershiligi joǵary memleket retinde kórsete aldy. О́ıtkeni Qazaqstannyń halyqaralyq qaýipsizdikke qosqan úlesi zor. Iаdrolyq qarýdan óz erkimizben bas tartý basqa da memleketterge úlgi boldy desek qatelespespiz. Artyqshylyqtary men kemshilikteri saraptala kelip qabyldanǵan sheshimder kóp kúttirmeı óziniń oń nátıjelerin berip, senimdi aqtady. Osylaısha shetelden ınvestısııa alýǵa múmkindik týdy. Naqty aıtar bolsaq, táýelsizdik alǵannan keıin Qazaqstan ekonomıkasyna shetelden 300 mlrd AQSh dollary shamasynda ınvestısııa tartyp úlgerdi. Eger postkeńestik memlekettermen salystyratyn bolsaq, dál osy tusta kósh ilgeri turǵanymyz anyq. Jalpy, bul Qazaqstannyń táýelsiz memleket retinde ekonomıkalyq ıntegrasııadaǵy ashyq kýrsyn bildi-
redi.
Tuńǵysh Prezıdent basshylyq etken kezde bedeldi halyqaralyq uıymdarǵa múshe bolyp qana qoımaı, olarǵa tóraǵalyq ettik. EYQU, BUU Qaýipsizdik Keńesine tóraǵalyq etý – Qazaqstan sııaqty jas memleket úshin úlken jetistik.
Búgingi tańda sarapshylar arasynda elimizdiń syrtqy saıasattaǵy jetistikteri ishki saıasatymyzǵa qaraǵanda ilgerilep ketken degen pikir bar. Men bul pikirmen kelisemin. О́ıtkeni kópvektorly saıasatty ustaný arqyly ózge memlekettermen seriktes bola otyryp ózimizdiń saıasatymyzdy tıimdi júrgizdik.
Qazaqstandy geosaıasat turǵysynan kópvektorly saıasat óneriniń maıtalmany desek bolady. Buny úlken senimmen aıta alamyz.
Árıne Qazaqstan sııaqty jas memleket úshin kópvektorly kýrs utymdy ustanym deýge bolady. Elbasynyń Qazaqstannyń syrtqy saıasatyn bir jolǵa qoıýdaǵy úlesi erekshe. Bárimiz biletindeı, Prezıdent Q.Toqaevtyń da halyqaralyq saıasattaǵy bedeli joǵary. Osy oraıda syrtqy saıasattaǵy úlken sabaqtastyqty kórip otyrmyz.
Qazaqstan táýelsiz el bolǵaly Elbasy qashanda Ortalyq Azııa elderin yntymaqtastyqqa shaqyryp otyrdy. Ony seriktestik ıntegratory dep atasaq bolady. Integrasııalyq prosesterde belsendilik tanytqanymen, keıbir keńesterimizge qulaq aspaǵan kórshiles memmleketter de bar. Sonyń saldarynan aımaqta ilgerileýshilik baıaý júrdi.
Sońǵy saıası ózgeristerdiń arqasynda Qazaqstannyń kópjyldyq maqsaty júzege asa bastady. 2018 jyly Nur-Sultanda ótken Ortalyq Azııa memleketteriniń konsýltatıvtik keńesiniń alǵashqy otyrysyn alsaq, bul birigip jumys isteýge jasalǵan úlken qadam. Osy jerde de Nursultan Nazarbaevtyń saıasatynyń ereksheligin eskermesek bolmas.
Tek Ortalyq Azııamen shektelip qalmaı, halyqaralyq qaýipsizdikte de múddeli ekenimizdi bildire aldyq. Atap aıtar bolsaq, búgingi eń ózekti máselelerdiń biri – Sırııa daǵdarysyn retteýge atsalystyq. «Astana prosesi» – aımaqta turaqtylyq ornatýǵa jol ashqan birden-bir faktor. Muny BUU da moıyndaıdy. Endigi kezekte «Astana prosesiniń» arqasynda saıası kelisimder jasaýǵa múmkindik ashylyp otyr.
Táýelsiz Qazaqstan Nursultan Nazarbaevtyń basshylyǵymen ózin jaqsy qyrynan kórsete aldy. Sonymen birge elimiz halyqaralyq qaýipsizdik máselesinde de senimdi, jaýapkershiligi mol seriktes retinde tanyta bildi.
Jumabek SARABEKOV,
Tuńǵysh Prezıdent – Elbasy Qory janyndaǵy Álemdik ekonomıka jáne saıasat ınstıtýtynyń sarapshysy
