Qoǵam • 18 Naýryz, 2020

Qazaqstan Qarýly Kúshteriniń bólimsheleri karantındik sharalardy qamtamasyz etýge qatysady

20 retkórsetildi

Prezıdent janyndaǵy Tótenshe jaǵdaılar rejımin qamtamasyz etý jónindegi memlekettik komıssııanyń otyrysynda osy jyldyń 17 naýryzynyń qorytyndysymen Nur-Sultan jáne Almaty qalalarynda karantın engizildi. El Prezıdenti – Joǵarǵy Bas qolbasshynyń tapsyrmasyna sáıkes Qazaqstan armııasy atalmysh sharaǵa tartyldy. Bul týraly Qorǵanys mınıstrliginiń baspasóz qyzmeti habarlady.

Qarýly Kúshter osy jaǵdaıǵa aldyn-ala keshendi is-sharalar júrgizip, júktelgen tapsyrmany oryndaýǵa kirisip ketti.

Asa mańyzdy memlekettik jáne áskerı nysandardyń kúzeti kúsheıtildi. Áskerı qyzmetshiler Ulttyq gvardııa jáne polısııa bólimshelerimen birigip qoǵamdyq tártipti qamtamasyz etý maqsatynda patrýldeýge qatysady.

Karantındi aımaq boıynsha Nur-Sultan men Almaty qalalaryndaǵy baılanys jáne qıylysý pýnkterinde desanttyq shabýyldaý áskerleri men bitimgershilik polki táýlik boıy qyzmet etedi. Osy maqsatty oryndaýda kelisimshart boıynsha, arnaıy daıarlyqtan ótken, osyndaı is-qımylda tájirıbesi mol áskerı qyzmetshiler jumys isteıdi.

Radıasııalyq, hımııalyq jáne bıologııalyq qorǵaý bólimsheleriniń daıyndyǵyna erekshe kóńil bólindi. Zaqymdaný qaýpi bar aýmaqtar men nysandardy arnaıy óńdeý úshin jasaqtar quryldy. Dezınfeksııalaý úshin qajetti reagentter qory bar 1 avtomobıl quıý stansııalary (ARS-14KZ) ázirlikke keltirildi.

Jergilikti obektilerdi óńdeý úshin jeke gazsyzdandyrý jıyntyqtaryn (IDK-1) qoldaný josparlanyp otyr.

Jeke qorǵanys quraldaryn paıdalanýdy eskere otyryp, áskerı qyzmetshiler qoıylǵan mindetterdi kez kelgen jaǵdaıda oryndaýǵa daıyn.

Eń basty baǵyttarǵa kúsh-jigerdi tıimdi jumsaý maqsatynda Qorǵanys mınıstrliginiń jedel shtaby jergilikti bılik organdarymen, ishki ister jáne densaýlyq saqtaý organdarymen úzdiksiz jumys jasaıdy.

Osyǵan deıin bastalǵan sanıtarlyq-epıdemıologııalyq sharalar men men áskerı qyzmetshilerdiń qaýipsizdigin turaqty ornalastyrý pýnktterindegi mindetter, jerlerde kezekshilikter atqarý jáne tapsyramlardy oryndaý odan ári óz jalǵasyn tabatyn bolady.    

Merzimdi áskerı qyzmetke shaqyrylǵandar karantınde bolǵandyqtan arnaıy tapsyrmalardy oryndaýǵa qatyspaıdy. Olarǵa seıildemege shyǵýǵa, azamattarmen, onyń ishinde  týystary jáne dostarymen qarym-qatynas jasaýǵa shekteý qoıylady.

Qarýly Kúshterdiń basshylyǵy áskerı qyzmetshilerdiń jaqyndary men týystary túsinistikpen qarap, qoldaý kórsetetinine senim bildiredi.

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Uqsas jańalyqtar