Qoǵam • 18 Naýryz, 2020

Jumystan qysqaryp qalǵandar ne isteıdi?

64 retkórsetildi

Ortalyq kommýnıkasııalar qyzmetiniń aqparattyq alańynda tótenshe jaǵdaı ýaqytyndaǵy memlekettik qyzmetkerlerdiń jáne jekemenshik kásiporyndardyń eńbek máselesi týraly baspasóz máslıhaty ótti.

Jıyn barysynda Memle­kettik qyzmet isteri agenttiginiń tóraǵasy Anar Jaıylǵanova memlekettik apparatqa halyq tynys-tirshiliginiń barlyq sala­synyń úzdiksiz jumysyn qam­tamasyz etý boıynsha úlken ja­ýap­kershilik júktelgenin jet­kizdi.

«Qazirgi ýaqytta qyzmetterdi elektrondy formatqa kóshirý boıynsha memlekettik organ­dar­dyń belsendi qyzmetiniń arqa­synda azamattar úıden shyq­paı-aq elektrondy túrde 80 pa­ıyz­dan astam memlekettik qyz­metti alýǵa múmkindigi bar. Bul rette azamattardyń mem­le­kettik qyzmetterdi qashyqtan alýy, sonyń ishinde ótinishterdi memlekettik organdardyń Call-ortalyqtary jáne onlaın arqyly qabyldaý úshin aq­parattyq júıeler men por­tal­dardyń úzdiksiz jumys isteýine erekshe nazar aýdarý qajet», dedi A.Jaıylǵanova.

Sonymen birge ol aǵymdaǵy jaǵdaıǵa qaramastan, óz min­detterin kúndelikti jáne adal oryndap júrgen memlekettik qyzmetshilerge úndeý joldady.

«Osy kezeńde bizdiń otan­das­tarymyzdyń jaılylyǵy memlekettik organdarǵa baılanysty. Alaıda qazir memlekettik mekemelerdiń úzdiksiz jumys isteýi úshin memlekettik qyzmet­shilerdiń densaýlyǵyn saqtaýǵa kóńil bólý de óte mańyzdy. Osy­ǵan baılanysty aǵymdaǵy jaǵdaıǵa qaramastan, óz mindet­terin kúndelikti jáne adal oryn­dap júrgen memlekettik qyz­met­shilerge úndeý joldaǵym kelip otyr. Sizderdi Dúnıejúzilik den­saýlyq saqtaý uıymynyń jańa koronavırýstyq ınfeksııasynyń aldyn alý jónindegi talaptaryn qatań ustaýǵa shaqyramyn. Osyǵan baılanysty memlekettik organ basshylaryn memlekettik qyzmetshilerdiń densaýlyǵyn jáne kúndelikti qyzmetterdi tolyq oryndaý qabiletin barynsha saqtaýǵa múmkindik beretin jaǵdaı jasaýǵa shaqyramyz», dedi ol.

Eńbek jáne halyqty áleý­mettik qorǵaý mınıstri Birjan Nurym­betov qashyqtan jumys isteýge múmkindigi joq nemese ju­mysshylaryna aqysy tólenetin eńbek demalysyn bere al­maǵan shaǵyn kásipkerler qyzmet­kerlerin qysqartýy múmkin ekenin atap ótti.

«Bul jaǵdaıda bizdiń es­ker­tetinimiz, eńbek zańnamasy boıynsha egerde jumys be­rýshi óziniń jumysshysyn qysqartatyn bolsa, ol týraly jumysshyǵa bir aı buryn eskertýi kerek jáne de oǵan bir aılyq jalaqy kóleminde ótemaqy tóleýi qajet. Jalpy, jumys istep júrgen azamattardyń nazaryna mynany aıtqym keledi. Eger sizder osyndaı jaǵdaıda jumystan shyǵyp ketýge májbúr bolsańyz, elimizde Memlekettik saqtandyrý qory jumys isteıdi. Áleýmettik saqtandyrý zańyna sáıkes jumys istep júrgen aza­mattar jumystan shyǵyp qalsa, onyń shyqqan sebebine qara­mastan, sol qordan alty aı boıy jumysyn joǵaltqanyna qatysty áleýmettik tólem alýǵa múmkindigi bar. Onyń mólsheri sol joǵaltqan jalaqynyń 40 paıyzyn quraıdy. Bul úshin jumystan aıyrylyp qalǵan azamat Jumyspen qamtý orta­lyǵyna baryp jumyssyz retinde tirkelýi kerek», dedi
mınıstr.

 

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Uqsas jańalyqtar