Tehnologııa • 18 Naýryz, 2020

Mobıldi oıyndar «maestrosy»

65 retkórsetildi

Búgingi balalar bárin biledi. Kompıýterdiń qulaǵynda oınaıdy. Ol – ol ma, eńbektep júrgen sábıdiń ózi smartfonǵa úńilip, ekran betin sıpap-sıpap qoıatynyn qaıtersiz. Qoldarynda bir-bir gadjet. Belin búkireıtip alyp, túrli mobıldi oıyndardy qyzdyryp jatqany...

Gadjet demekshi, bizdiń keıipkerimiz Aldııar Jumajanov dál osyndaı mobıldi oıyndar qurastyrady. Ońtústik óńirdiń týmasy. Dálirek aıtsaq, Shymkentte týǵan. Jas ónertapqysh. 10 jyldan beri Qytaıdyń Szınan qalasynda turady. Mechanist Games internet technologies kompanııasynda mobıldi oıyndar men qosymshanyń prodıýseri. Sondaı-aq kompanııanyń Máskeý qalasyndaǵy fılıalynyń bas dırektory. Elimizdegi «100 jańa esim» jobasynyń úshinshi kezeńindegi jeńimpazdardyń biri.

Aldııar Jumajanov «100 jańa esim» jobasyn úsh jyldan beri qadaǵalap júripti. Dese de ol ózin sol ýaqytta mundaı jobaǵa qatysatyndaı qabiletti sanamaǵan eken. Tek byltyr shilde aıynda ótinish bergen. Jeńip shyǵamyn dep oılamaǵan. О́zi týraly qysqa ári nusqa: jasyn, nemen aınalysatynyn, qandaı oıyndar ázirlegenin jazyp jibergen.

– Men jobaǵa osylaı keldim, – dedi ol. – О́tinishti Shymkent qalasynan berdim. Shynymdy aıtsam, «100 jańa esim» jobasyna sanaly túrde qatystym. Jetkilikti daýys jınaldy. Qazaqstandyqtarǵa qoldaýy úshin alǵys aıtqym keledi. Elbasy Nursultan Ábishuly negizin qalaǵan jobanyń jeńimpazy bolyp, óz qalamnyń atynan qatysý – men úshin úlken mártebe. Bul bizdiń kásipkerlerdiń mobıldi qosymshalardy jasap shyǵarýǵa degen qyzyǵýshylyǵyn arttyryp, IT salasyna, mobıldi oıyndar men qosymshalardy baǵdarlamalaýǵa ınvestısııa quıýǵa sebepshi bolady dep oılaımyn. Bul joba maǵan óz jetistigim týraly aıtýǵa, úlgi bolýǵa, qol qýsyryp otyrmaı, ózińe senýge úıretýge múmkindik berdi.

– «Uly Sultan», «Uıqy sheberi» sııaqty mobıldi oıyndardy jasaǵan ekensiń... – dedik biz Aldııarǵa.  

– Men oıynnyń konsepsııasyn jasadym. Basqa quramdas bóligi jáne jarnama boıynsha komandamen birge jumys istedik. TMD naryǵynda oıyndy nasıhattap, lokalızasııasyn jasap, kompanııanyń SMM bólimin basqardym, – dedi ol. – Al «Uly Sultan» – bul meniń ıdeıam ári osy oıyndy jasaýǵa ózim usynys berdim. Birde Founder kompanııasynyń negizin qalaýshy jańazelandııalyq bastyǵym osyndaı mobıldi oıyndar boıynsha 5 prezentasııa qorǵaǵan edi. Oǵan deıin bir aı buryn «qaı oıyn ótimdi bolady» dep meniń pikirimdi surady. Investorlardyń aldynda qorǵaǵan jańa jobany iske qospaqshy. Onyń qolynda úsh joba boldy. Olar: «Ejelgi Rım», «Ejelgi Mysyr» jáne «Uly Sultan» oıyndary. Men kóp oılanǵan joqpyn. Bul oıyndar týraly barlyq málimetterdi tabý úshin bir-eki kún berýin suradym. Sodan keıin osy oıyndardyń TMD elderinde tanymaldylyǵy boıynsha taldaý júrgizdim. Taldaı kele, bastyǵyma «Uly Sultan» oıyny boıynsha jumys istegim keletinin aıttym.

– «Uly Sultan» qandaı oıyn sonda? – Bilgimiz keldi.

– «Uly Sultan» mobıldi strategııasy ózińdi Osman ımperııasynyń bıleýshisi sezinýińe múmkindik beredi. Siz memleketti basqaryp, áskerı joryqtarǵa qatysyp, ımperııany keńeıte túsesiz. Memleketti gúldendirý ońaı emes. Durys sheshim qabyldap, keńesshiler taǵaıyndap, memleketterdiń qorǵanysyn kúsheıtýińiz kerek, – dedi ónertapqysh.

– Búginde bul oıyndardy qansha adam oınap júr? – dep odan ári qyzyǵýshylyq tanyttyq.

– Bul qosymsha qazirgi ýaqytta AppStore jáne Google PlayMarket mobıldi dúkenderde satylady. Búginge deıin bul oıyn 20 mıllıon ret júktelgen, – dedi ol.

a

Budan ári Aldııardan:

– «Uly Sultannan» bólek álem boıynsha alǵashqy bolyp ejelgi Qazaqstan týraly «Uly han» 3D-mobıldi oıynyn qurastyryp jatyr ekensińder... – dep suradyq.

– Iá, bul joba qazaqstandyq kásipkerlerdiń qyzyǵýshylyǵyn oıatady dep úmittenemin. Bizdiń elde IT ındýstrııanyń damyǵanyn qalaımyn. Al «Uly han» oıynyna keletin bolsaq, bul – ejelgi Qazaqstan, durysy, qazaq, tatar, mońǵol, býrıat syndy kóshpendi halyqtar týraly. Oıyn taza Qazaq handyǵy týraly dep oılaýdyń qajeti joq. Eger osylaı bolsa, bul tek bizge ǵana qyzyqty bolar edi. Sol sebepti TMD jáne Amerıka men Kanadanyń, Ortalyq Azııanyń naryǵyn toltyrý úshin men bul jobany halyqaralyq deńgeıge shyǵarý kerek dep sheshim qabyldadym. Sol sekildi ózge ulttarǵa da  qyzyqty bolýy úshin tatarlardy, mońǵoldardy, japondyqtardy, koreılerdi, orystardy, ýkraındyqtardy qostym. Onda belgili bir ýaqytsha ýchaske bolmaıdy. Barlyǵy Shyńǵys hannan bastalady. Keıin bizdiń elge jetedi. Ári qaraı bizden keıin de jalǵasady. Oıyn bıylǵy naýryzda test túrinde jaryqqa shyǵyp, mamyr aıynda oıynnyń tolyq nusqasy paıda bolady, – dep jaýap berdi.

Biz ónertapqyshtan ózi qyzmet isteıtin kompanııa týraly surap, bildik. Onyń aıtýynsha, bul kompanııa Qytaıdaǵy 3000 IT kompanııanyń ishinde úzdik 16 topqa kiredi eken. Al ózi turatyn qalasy boıynsha top 1-kompanııa. Gonkongte, Máskeýde, Túrkııada keńseleri bar kórinedi. Bizdiń keıipkerimiz bul kompanııadaǵy jalǵyz qazaqstandyq. Onymen birge jumys isteıtin áriptesteri – Reseı, Túrkııa, Jańa Zelandııa, Fılıppın, Polsha, Morokko jáne Horvatııa elderinen. 

Szınan qalasyndaǵy ómir keremet! Osynda on jyldaı turyp jatyrmyn. Munda tropıkalyq klımat. Jyl on eki aı jaz. Men qurlyqta emes, aralda turamyn. Halqy aıtarlyqtaı kóp emes – 5 mln adam. 4 metro jáne jerasty LRT-sy bar. Qoǵamdyq kólikti paıdalaný úshin barlyq jaǵdaı jasalǵan. Barlyq jolda qoǵamdyq kólikke arnalǵan jolaq bar. Vetnam, Taıland, Taıvanǵa saıahat jasaý óte jeńil. Bul jerden Fılıppınge de bılet arzan. Biraq kemshiligi de bar. Sırek bolsa da jer silkinisi bolyp turady. Sosyn maýsymdyq jaýyndary bar. Mysaly, aqpannyń sońynda jáne mamyrdyń basynda jańbyr jaýady, – dedi ol. 

Áńgime sońynda Aldııardan:

– Elimizdegi IT kompanııalardan shaqyrtý bolǵan joq pa? Bolashaqqa qurǵan josparlaryń bar ma? – dep suraǵan edik.

– Búgingi kúnge deıin qazaqstandyq iri kompanııalardan eshqandaı shaqyrtý alǵan joqpyn. Qazaqstanda Ýkraınanyń UNIT Factory bilim berý jobasy negizinde birinshi IT mektep ashý joparymda bar. Mamyr aıynda resmı shaqyrtýmen Kıev qalasyna baramyn, – dedi Aldııar Jumajanov.

Jas ónertapqyshtyń aıtýynsha, ol bul saparynda Kıevtegi tarappen zııatkerlik resýrsty qoldaý boıynsha kelisimshartqa otyrady. Sondaı-aq elimizde  IT mektep ashý úshin qarajat jınaýdy bastaıdy. Árıne, bastapqyda ol óz ýaqyty men qarajatyn jumsaıtynyn, alaıda, bul qarjy mektepti ustap turýǵa jetpeıtinin aıtady.

– Bastamamdy qoldaǵysy keletin otandastarym maǵan habarlassa eken. Qazaqstanda IT mektep ashý úshin aqsha jınap jatqanymdy málimdeımin, – dedi ol.

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar