Birinshiden, balabaqshalardyń jumysyna baılanysty. Búginge deıin balabaqshalardyń jumysy toqtaǵan joq bolatyn. Alaıda, Almaty qalasy men Nursultan qalalarynda karantın jarııalanǵanyna baılanysty erteńnen bastap balabaqshalar jumysyn toqtatady.
Ekinshiden, orta bilimge baılanysty. 16 naýryzdan bastap 5 sáýirge deıin mektep oqýshylary kóktemgi demalysqa shyqty. Ol demalys 5 sáýirge deıin jalǵasady.
Qazirgi kezde mektepte oqýshylar joq jáne de ustazdar úılerinde balalarmen qashyqtan qarym-qatynasta jumys isteıdi. Demalys kezinde balalar úıge arnaıy tapsyrmalar alady. Sol tapsyrmalarǵa baılanysty muǵalimdermen, synyp jetekshilermen baılanysta bolady.
- Eger karantın jalǵasyn tabatyn bolsa, 5 sáýirde kanıkýl aıaqtalǵan sátte oqýshylar qashyqtan oqytýǵa aýysady. Osyǵan baılanysty qazirgi tańda Almaty qalasy Bilim basqarmasy mınıstrlikpen birigip, daıyndyq jumystaryn jasap jatyr, – dedi Bilim basqarmasy basshysynyń orynbasary.
Úshinshiden, kolledj stýdentteri 16 naýryzdan bastap qashyqtan oqýǵa kóshti. Olarǵa arnaıy baǵdarlama men arnaıy testpen elektrondyq formatta oqý uıymdastyryldy.
- Kolledjdiń jataqhanada jatqan stýdentteriniń úılerine qaıtýyna múmkinshiligi bolmaǵan jaǵdaıda, olar jataqhanada qalyp, oqýyn qashyqtan jalǵastyra beredi, – dep túsindirdi G.Aıtqulova.
