Aımaqtar • 18 Naýryz, 2020

13 adam alaıaqqa aldandy

74 retkórsetildi

Batys Qazaqstan oblysynda «memlekettik baǵdarlamamen páter alyp beremin» dep aqsha jınap, 13 adamdy aldap úlgergen alaıaq qolǵa tústi.

1977 jyly týǵan aqsaılyq áıel osy qyzmeti úshin Kaspi.kz qosymshasy arqyly bank kartochkasyna 350 myńnan 600 myńǵa deıin teńge kóleminde aqsha salýdy talap etip otyrǵan. Sóıtip, bas-aıaǵy 5,5 mln teńge jınaǵan kezde tutyldy. Batys Qazaqstan oblystyq Polısııa departamenti qyzmetkerleri alaıaqty «Kontrafakt» jedel-aldyn alý is-sharasy barysynda qolǵa túsirdi.

«Qazirgi ýaqytta Qylmystyq Kodekstiń 190-babyna sáıkes qylmystyq is qozǵalyp, sotqa joldandy» deıdi oblystyq Polısııa departamenti baspasóz qyzmetiniń ókili Asylaı Ǵubasheva.

Osyndaı alaıaqtyq eńbek naryǵynda da kezdesedi. Atyraý qalasynyń 25 jasar turǵyny vahtalyq jumysqa ornalastyrmaqshy bolyp, ár adamnan keminde 30-35 myń teń kóleminde aqsha alyp, habarsyz ketken. Búginde osyndaı 5 oqıǵa tirkelip otyr.

Batys Qazaqstan oblysynda jyl basynan beri ótken 2 aı ishinde 197 alaıaqtyq qylmysy tirkelgen eken. О́tken jyly osy ýaqytta 196 qylmys bolǵan.

 

Batys Qazaqstan

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar