Táýelsizdikke qol jetkizý qandaı qıyn bolsa, onyń ári qaraıǵy bolashaǵyn baıandy etý ultymyzdan odan da eren qajyrdy talap etti. Osy jolda elimizge Nursultan Nazarbaevtaı kóregen kóshbasshyny buıyrtty. Adymyn apyl-tapyl basqan sábı memleketimizdi Tuńǵysh Prezıdent úlken beleske shyǵaryp, álem aldyndaǵy abyroıyn asqaqtatty. Iri maqsatty isterdiń barlyǵyn tolyqtaı júzege asyrdy dep senimmen aıta alamyz. Táýelsizdik qolǵa tıgen kúnderden bastap álem aldyndaǵy bedelimiz artyp, ata-babalarymyz arman etken damýdyń dańǵyl jolyna tústik. Munyń barlyǵy ýaqyt-aǵzam alaqanynda altyn árippen jazylyp qaldy. Áli de jazyla bermek.
Mine, Ata Zańymyz – Konstıtýsııa boıynsha Elbasy óziniń ókilettigin toqtatyp, sońǵy bir jylda bılik tizginin izin basqan rýhanı, múddeles inisi Qasym-Jomart Kemeluly Toqaevqa tapsyrdy. Jańa Prezıdentimiz de ózine júktelgen jaýapkershilikti júregimen sezinip, halyq aldyndaǵy mindetin abyroımen atqaryp keledi.
Jalpy, jeke óz basym Tuńǵysh Prezıdent – Elbasy Nursultan Nazarbaevpen óner adamy retinde óte tyǵyz baılanysta boldyq. Bir-birimizdi syıladyq. Ol kisi meniń ánderimdi óte jaqsy kórdi. О́ıtkeni ol ánderdi halyq súıip shyrqady.
Birde Elbasynyń ómir jolyna arnalǵan kóp serııaly derekti fılmdi tamashalap otyryp, bir bóliminde Nurekeńniń otbasynyń ortasynda dombyramen shertip meniń «Tolaǵaı» degen ánimdi aıtyp otyrǵanyn kórgende, júregim erekshe tolqydy. Ol kisi óziniń osyndaı qarapaıym bolsa da bilikti, bilimdi tirligimen halyqtyń úlken alǵysyna bólengen adam.
Búginde Qazaqstan damýdyń barlyq salasynda ilgerilep, nurly kúnderge qaraı baǵyt buryp bara jatyrmyz. Osy beıbit, berekeli kúnimizge táýbe ete bileıik. Alla taǵala jańa Prezıdentimiz Qasym-Jomart Toqaevqa da osy bir abyroıly, jemisti joldy buıyrtyp, eldiń alǵys-mahabbatyna bólenýin tileımiz. Ámanda Táýelsizdigimiz, eldigimiz máńgilik bolǵaı!
Ilııa JAQANOV,
Qazaqstan men Qyrǵyzstannyń eńbek sińirgen qaıratkeri, kompozıtor, óner zertteýshisi
