Palata Spıkeri Nurlan Nyǵmatýlınniń tóraǵalyǵymen Májilis bıýrosynyń sheshimi boıynsha depýtattar jáne apparat qyzmetkerleriniń bir kúndik eńbekaqysyn koronavırýs ınfeksııasyna qarsy kúreske baǵyttaý týraly qaýly qabyldandy. Qarjy karantın engizilgen Nur-Sultan jáne Almaty qalalarynda COVID-19 koronavırýs epıdemııasymen kúreske qajetti is-sharalardy júzege asyrýǵa arnalady.
Májilis Tóraǵasy Nurlan Nyǵmatýlın atap ótkendeı, el basshylyǵy azamattardyń qaýipsizdigin qamtamasyz etý úshin aýqymdy sharalardy qolǵa alýda.
Osyndaı qıyn-qystaý kezeńde barlyq qazaqstandyqtar ortaq maqsat jolynda kúsh biriktirýimiz
kerek.
* * *
Pandemııa tóńiregindegi ahýal halyqty biriktirdi.
Qazaqstan Respýblıkasynyń Tuńǵysh Prezıdenti – Elbasy Keńsesiniń qyzmetkerleri shette qalmaı koronavırýsqa qarsy kúresý úshin Nur-Sultan qalasynyń ákimdigine ózderiniń bir kúndik jalaqylaryn aýdardy, dep habarlady Tuńǵysh Prezıdenttiń baspasóz qyzmeti.
