Qoǵam • 19 Naýryz, 2020

Halyq bilýi tıis

23 retkórsetildi

Koronavırýske baılanysty karantın rejimin engizý jóninde sheshim qabyldanysymen halyq arasynda dúrbeleń, ártúrli alypqashpa áńgime kóbeıdi. Osyǵan oraı turǵyndarǵa qajetti aqparattardy usynamyz.

Bılet quny qaıtaryla ma?

Sońǵy kúnderi qos qalanyń vokz­al­darynda seńdeı soǵy­lys­qan jurt kóbeıdi. Qalaǵa kirý men shyǵýdyń shektelýine oraı, jol júrý bıletterin ótkizýge kelgen nópir halyqtyń kókeıindegi saýal – «Bılet quny qaıtaryla ma?»

«Qazaqstan temir joly» UK» AQ baspasóz qyzmetiniń ha­bar­laýynsha, jolaýshylar bıletteri úshin aqshany tolyq kólemde (sońǵy táýlikte ustap qalýsyz) qaıtarý týraly sheshim qabyldandy.

Keshe kassalarda bıletterdi qaıtarý boıynsha júkteme aıryq­sha joǵary boldy. Bul rette kas­salar qosymsha qolma qol aqsha­men qamtamasyz etildi. «Osy sııaq­ty sırek jaǵdaıda bılet quny tolyq tólenedi jáne jolaý­shy tıesili aqshasyn ózine yńǵaıly kez kelgen ýa­qytt­a, sonyń ishinde kelesi kúni de ala alady. Biz qa­zir­gi qalyp­tasqan jaǵdaıda jo­laý­­shylarymyzdan bıletterdi qaı­­­­tarýdy rásimdeý barysyna shy­dam­dylyq tanytýdy jáne túsi­nistikpen qaraýdy suraı­myz. Aqsha qarajatyn tolyq kó­lemde qaıtarýǵa kepildik be­re­miz» deıdi kompanııa bas­shy­lyǵy.

 Suraqtardy qaıda joldaýǵa bolady?

Qazaqstandyqtardyń koro­na­­vı­rýsty juqtyrǵany rastal­­ǵan­nan keıin halyq arasynda alańdaýshylyq aıtar­lyq­taı ósti. Buryn Áleýmettik me­dısınalyq saqtandyrý qo­rynyń Biryńǵaı baılanys orta­lyǵyna kúnine shamamen 1500-2000 qońyraý túsetin bolsa, qazir kúnine 6 myńǵa deıin saýal qoıylady.

1406 baılanys ortalyǵynyń operatorlary halyqqa densaý­ly­­ǵyn nyǵaıtý jáne aǵzasyn qor­ǵaý, kúdikti sımptomdar baı­qalǵanda áreketter jasaý bo­ıynsha keńes berý daıyn­dy­ǵynan ótti.

«Baılanys ortalyǵy qa­jet­ti aldyn alý sharalary jáne vırýs­tan qorǵaný boıyn­sha keńes berý úshin jumys isteıdi. Operatorlar sonymen birge syrqattanyp qalǵan kezde qaıda barý kerektigin, qan­daı sımptomdarǵa nazar aýdarý qajettigin, taldaýlardy (ana­lız­derdi) qaıda tapsyrýǵa bolatynyn túsindiredi. Úkimet pen ýá­kiletti organdar qabyldap jat­qan sharalar halyqty qor­ǵaýǵa baǵyttalǵan. Alaıda qo­ǵam­dyq oryndarǵa barý den­saý­ly­qqa qaýip tóndiretinin sa­nal­y azamattar túsinýi kerek», delingen Áleýmettik me­dı­sınalyq saqtandyrý qory­nyń baspasóz qyzmeti taratqan habarlamada.

Eske sala keteıik, suraq­tar­dy 1406 operatorlaryna Qoldau 24/7 mobıldi qosymshasy arqy­ly­ da joldaýǵa bolady. Jol­­da­nymǵa tirkeý nómiri beri­le­di, so­dan keıin siz ózińizdiń jeke kabınetińizde onyń mártebesin teksere alasyz.

Shetelden azyq-túlik taýary kele me?

Qarjy mınıstrliginiń Mem­le­kettik kirister komıteti halyq tuty­natyn áleýmettik mańyzy bar ımporttalatyn azyq-túlik­ter­ge «jasyl dáliz» ornatty. Bul sharalar el arasynda birin­shi kezekte tutynatyn taýar­lar tap­shylyǵyn týdyrmaý úshin ja­salýda.

Komıtet dereginshe, 2019 jyl­dyń 1 qańtarynan bastap Qazaq­stanǵa jalpy quny 554,6 mln dollardy quraıtyn 872 myń tonna taýar kirgizilgen. Atap aıtqanda, qant – 165 myń tonna, qus eti – 148 myń tonna, pııaz – 133 myń tonna, sút – 118 myń tonna, oramjapyraq – 85 myń tonna jáne 78 myń tonna sábiz sııaqty áleýmettik mańyzy bar azyq-túlik qataryna jat­qy­zyl­ǵan 19 túrli taýar ım­port­talǵan.

Qazirgi tańda alǵashqy qajet­tilik taýarlaryn tasymaldaı­tyn negizgi kompanııalarǵa ke­den­­dik tekseris, saraptama, jáne taýardyń qunyn kedendik baqy­laý sııaqty sharalar qol­da­nyl­maıdy. Sondaı-aq qazir shekarada ózge sanattaǵy bıznes sýbektilerine ákimshilik júk­te­melerdi azaıtý úshin «qyzyl jáne sary dálizderdiń» jumysy qys­qartylǵan.

 

 

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar