Aımaqtar • 19 Naýryz, 2020

Atbasarlyqtar aǵyn sýdyń aldyn alýǵa qamdanýda

6 retkórsetildi

Oblystyq tótenshe jaǵdaılar departamenti buqaralyq aqparat quraldary ókilderin baspasóz týrymen Atbasarǵa alyp kelýinde kóp mán bar edi. Birinshiden, bul vedomstva tarapynan atqarylyp jatqan jumystardyń, ıaǵnı, kórsetýge bolatyn jaǵdaılardyń barlyǵyn ańǵartady.

Ekinshiden, atalǵan máselege jurtshylyqtyń nazaryn aýdaryp, ortaq jaýapkershilikti kúsheıte túsýdi ditteıtindigin bildiredi. Osydan shyǵar, departament jáne aýdan basshylary tarapynan aldarqatyp sóıleý, naqty jaǵdaıdy jumsartyp, qolǵa alǵan isti kótermelep kórsetý bolǵan joq. Rıza boldyq. О́ıtkeni, tabıǵat mundaıdy kótermeıdi. Ásirese, atbasarlyqtar úshin.

Atbasar aýdanynda 5 gıdrotehnıkalyq qurylǵy bar. Mańyzdy nysandar jergilikti atqarýshy organdardyń baqylaýynda. Tipti, arnaıy qurylǵan shtab bul óńirlerde qosymsha beketter qurýdy josparlap qoıypty. Bul shtab quramynda ártúrli kásiporyndardan tartylǵan 350 adamdyq tórt otrıad jumys isteýde. Bıylǵa boljam boıynsha Atbasar qalasy men 8 aýyldyq okrýgtiń eldi-mekenderi apatty aýmaq sanalyp otyr. Osyǵan baılanysty, Poltavka, Pokrovka, Iаroslavka, Makeevka, Aqan Qurmanov okrýgteri mańyndaǵy Esil, Jabaı, Jylandy, Kashkarka (Qoshqar) ózenderi, shaǵyn kólder, jar-jyralar arnasy keńeıtilip, jabaıy óskinderden tazartylǵan jáne aýylishilik kósheler qardan tazartylýda.

Biz Atbasarǵa barǵan kúni Jabaı ózenindegi muzdy jarý sharalary ótkizildi. Oblystyq tótenshe jaǵdaılar departamenti basshysynyń orynbasary, azamattyq qorǵanys polkovnıgi Qanat Dospaev oblystaǵy 125 eldi mekendi aǵyn sýlar basý qaýipi barlyǵyn aıtady. Ásirese, Selınograd, Atbasar, Sandyqtaý, Arshaly jáne Ereımentaý aýdandarynda tótenshe jaǵdaılar qaýipi basym. Bekitilgen josparǵa sáıkes, aýdan ákimdikteri tosyn jaǵdaılardyń aldyn alý sharalaryn júrgizýde. «Búgingi kúnge deıin aýyldardan 1 mıllıon tekshe metrden astam qar shyǵaryldy jáne bul jumys jalǵasýda»,–deıdi Q.Dospaev. 10 naýryzda ózenderde muz jarý jumysy bastaldy. Bul oblystaǵy on aýdannyń 70 ýchaskesin qamtıdy. Arshaly jáne Selınograd aýdandaryndaǵy ózenderde bul is oıdaǵydaı ótkizildi.

Aýdan ákiminiń orynbasary Birlik Qambatyrovtyń sózinen sý tasqynyna qarsy sharalarǵa bıýdjetten 23 mıllıon teńge qarjy bólingenin bildik. Eldi mekenderden 76,5 myń tekshe metr qar shyǵarylsa, bunyń 40 myńy Atbasar qalasynyń enshisinde eken. Qalanyń shyǵys bóligindegi eńisti kesip ótetin Jabaı ózenine Sandyqtaý, Jaqsy aýdandary baǵytyndaǵy saı-jyralarǵa dalalyq alqaptan jınalǵan aǵyn sý kelip qosylady. Osyndaı tabıǵı jyralar qalanyń London, temir beton kombınaty atalatyn aýmaǵynda kóbirek. Mundaǵy jumystarmen tanysý barysynda jergilikti turǵyn Aleksandr Okýlshamen tildestik. Ol Jaqsy jaǵyndaǵy toǵandardyń álsizdiginen aǵyn sý kóptep jaıylatyndyǵyn aıtady. «Aldyn alý sharalary endi bastalyp jatyr. Kesh qalmasaq jaraıdy ǵoı. Tehnıka men adam kúshin kóbeıtý qajet»,–deıdi ótken jyldar zardabyn tartqan turǵyn.

Atbasar aýdanyq tótenshe jaǵdaılar bólimi basshysynyń mindetin atqarýshy Bolat Shabezovten bul máselege qatysty «Jabaı ózenindegi qorǵanyshtyq toǵan nyǵaıtylyp, eni 10-30 metrlik 2 shaqyrymdyq aýmaq tabıǵı óskinderden tazartyldy  jáne 870 metrlik sý ańǵary bıiktetildi. Qala aýmaǵyndaǵy 6900 metrlik saı-jyra keńeıtilip, tazartyldy. Jospardan tys  №1 orta mektep aýdanyndaǵy «Seıfýllın» shlıýzinde jóndeý jumystary atqaryldy»,-degen jaýap aldyq.

Jalpy, sý tasqyny qaýipi boljanǵan aýmaqta 167 otbasynyń úı-jaıy bolsa, sonyń 87-si Atbasar qalasynda ornalasqan. Aqpan aıynan beri arnaıy shtab músheleri men tótenshe jaǵdaılar bóliminiń qyzmetkerleri turǵyndar jınalysyn ótkizip, aýlalardy aralap, túsinik jumystaryn júrgizdi jáne ózen jaǵalaýyndaǵy 400-den astam otbasyna eskertý qaǵazdaryn tapsyrypty. «Kóktem 2020» sharasy aıasynda  mektepter men eńbek ujymdarynda arnaıy oqý-jattyǵýlary ótkizilgen. Sondaı-aq, sý alý qaýipindegi №1 orta mektepte 100 qýma metrlik alańǵa qum salynǵan 1940 qap, №4 mektepte 1400, mektep ınternatta 350 qap yqtyrma qoıylǵanyn kórdik. Aty jurtqa málim №1 mektepte bul jumys áli de jalǵasýda. Máselen, biz osynda bolǵan kezde «Agrokompleks Atbasar» JShS–nen Ardaq Mýstafın bastaǵan top qyzý is ústinde eken. Ol álgi London móltek aýdanynyń turǵyny. «Únemi alańdaýmen kún keshetin qala turǵyndary bıyl aldyn alý sharalaryna jumyla qatysýda. Aýdan ortalyǵyndaǵy barlyq kásiporyndardan ár jerde arnaıy toptar jumys istep jatyr. Bıyl bizdiń kóshelerimizde eki metr tereńdiktegi aryqtar qazyldy. Qar qys boıy tasymaldanyp jatty. Bul ylǵaldyń moldyǵyna qaramastan, apatty jaǵdaı oryn almaıtyndyǵynan úmittendiredi.  Munda kásiporyndardan bólingen kisiler men eriktiler jumys isteýde. Aýdan ortalyǵynda tótenshe jaǵdaı bola qalǵan jaǵdaıda turǵyndardy, mal men qusty ýaqytsha ornalastyrý oryndary belgilenipti.

Aýdanda «Sý tasqynynyń aldyn alý jáne onyń saldaryn joıýdyń 2017-2020 jyldarǵa arnalǵan keshendi sharalary» jol Kartasy aıasyndaǵy jumystar óz nátıjesin berýde, deıdi aýdan basshylary. Kóktemgi qaýyrt kezeńde ınjenerlik, sý aıdaý jáne evakýasııalyq maqsattaǵy 46 arnaıy tehnıka, 9 motopompa jáne júzý quraly iske kirisedi. Osynyń bárin eskergende «aǵyn sý minez tanytar kún jaqyn, al, oǵan atbasarlyqtar qandaı qam jasaýda?» degen saýalyńyzǵa birshama jaýap alǵandaı boldyq.

 

Atbasar aýdany,

Aqmola oblysy.

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Uqsas jańalyqtar