Aımaqtar • 19 Naýryz, 2020

Kókshetaýǵa qarǵyn sý keldi

94 retkórsetildi

Qasat qar sál ǵana jibip, qyzyl sý azdap júrip edi, qalany qaq jaryp ótetin Qylshaqty ózeni arnasynan asa bastady. Oblys ortalyǵyndaǵy Báıken Áshimov kóshesiniń boıyndaǵy avtokólik qatynaıtyn kópirdi sý basyp qaldy.

О́zenge Ivanovka sý qoımasynan sý jiberilgen eken. Qazir apattyń saldaryn joıý jumystary júrgizilýde. О́zendegi sý deńgeıi sońǵy táýlikterde kúrt kóterilgen. Býrabaı, Zerendi aýdandarynan aqqan qar sýy ózen deńgeıin shamamen 1,5 metrge molaıtty. Oǵan qosa, irgedegi Ivanovka sý qoımasynan qalypty mólsherden tys sý jiberilgen.  

Oqıǵa ornynda tótenshe jaǵdaılar qyzmetiniń 67 tehnıkasy men 90-ǵa jýyq qutqarýshysy jumys isteýde. Qylshaqty ózenine taıaý mańda 2 mektep pen kópqabatty birneshe turǵyn úı bar. Mamandardyń aıtýynsha, qazir olardy sý basý qaýpi tónip turǵan joq.

–Qazirgi kezde Qylshaqty ózeniniń jıeginde ınertti materıal, topyraqtarmen kóterip jatyrmyz. О́zen Qopa kóline quıady. О́zen arnasy jaqyn taǵy bir bilim oshaǵy bar. Myńǵa jýyq adam turatyn  5-6 kópqabatty úı bar. О́tken jyldary da kóktemde osy mańdy sý basyp qalǵan bolatyn,–deıdi oblystyq jedel-qutqarý jasaǵynyń bastyǵy Dáýlet Shamıǵanov.

Qazir Zastansıonnyı shaǵyn aýdanyna ótetin kópir jabylǵan. Kópirdiń ótpeli aryqtary qar men muzdan tazalanýda. Úıler men mekteptiń mańaıy qum toltyrylǵan 5 myńnan astam qappen qorshalǵan. О́zen arnasyndaǵy muz ben qamys qaldyqtary aǵysqa kedergi keltirýde.

Qylshaqty ózeniniń boıynda ornalasqan turǵyn úıler men №12 jáne 8 mektep aýmaǵy erekshe baqylaýǵa alynǵan.

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar