Birinshi kezekte járdemaqy quramy, turatyn mekenjaıy jáne tabys deńgeıi ózgermegen otbasylarǵa taǵaıyndalady. Áleýmettik kómekti qaıta taǵaıyndaý úshin derekterdi tekserý júrgiziledi, atap aıtqanda turǵylyqty jeri boıynsha tirkelý (tirkeý), jyljymaıtyn múliktiń , kóliktiń bolýy , tabysy jáne t. b. tekseriledi. Otbasy quramy ózgermegen jaǵdaıda ótinishter qolda bar derekter negizinde qalyptastyrylady. Barlyq aqparat, sondaı-aq habarlamalar elektrondyq poshta jáne messendjerler arqyly jiberiletin bolady.
Aǵymdaǵy jyldyń basynan beri AÁK alýshylar 102,4 myń otbasy nemese 527,6 myń adam boldy.
О́ńirlerde 2,6 myńnan astam ýchaskelik komıssııa jumys isteıdi. Olardyń málimetteri boıynsha, AÁK alýshylardyń 41,5%-yn kópbalaly otbasylar quraıdy.
Osyǵan uqsas shema boıynsha shartty áleýmettik kómekti taǵaıyndaý kózdelgen. Eger áleýmettik kómek alýshynyń mártebesi ózgermese, jeke josparda 2020 jylǵy 1-toqsanymen uqsas sharalar kórsetiledi. Barlyq habarlamalar elektrondyq túrde jiberiletin bolady.
Esterińizge sala keteıik , ótken jyldyń jeltoqsan aıynda 1,5 mln qazaqstandyqqa proaktıvti formatta kópbalaly otbasylarǵa arnalǵan jańa memlekettik járdemaqy taǵaıyndalǵan bolatyn. Azamattar tólemdi 2020 jyldyń qańtar aıynyń basynda aldy.
Buǵan deıin habarlanǵandaı, Eńbek jáne halyqty áleýmettik qorǵaý mınıstrligi qazaqstandyqtarǵa birqatar qyzmetterdi alýǵa onlaın-ótinish berý múmkindigin usyndy. Mysaly, jasyna baılanysty zeınetaqy tólemderin, memlekettik bazalyq zeınetaqy tólemin, júktilikke jáne bosanýǵa baılanysty tabysynan aıyrylǵan jaǵdaıda tólenetin áleýmettik tólemderdi, jergilikti ókiletti organdardyń sheshimderi boıynsha muqtaj azamattardyń jekelegen sanattaryna áleýmettik kómekti taǵaıyndaý jáne t.b. ótinishterdi onlaın-berý tetigimen tolyǵyraq myna jerden tanysýǵa bolady https://enbek.gov.kz/kk/node/367028.
