Qazaqstan • 19 Naýryz, 2020

Karantınde zerikpeńiz: Paıdaly saıttar men resýrstar

525 retkórsetildi

Koronavırýs karantıni kisilik kemeldenýge bastar jol bolyp turǵandaı. Jappaı úıde oqshaýlaný kópshilik úshin jańa múmkindikter syılap otyr.

Úıde otyryp, zerikpes úshin Netflix, Amazon Prime syndy alyp qyzmet kompanııalarynyń jeńildikterinen keıin izinshe ózge de saıttar onlaın rejımde aqparat alýdy ońaılata bastady. Osy oraıda mádenıet men ádebıet, óner, ǵylym-bilim baǵytyndaǵy, sondaı-aq ózin ózi damytý boıynsha kóptegen ashyq derekkózderdi toptastyryp, usynyp otyrmyz.

 

Englishdom.com

«Olarǵa onlaın rejımde oqýǵa jáne EdTech bilim berý tehnologııasyn tolyq paıdalanýǵa múmkindik berý úshin biz 3 aı boıy ED Words qyzmetine qol jetimdilikti ashamyz», deıdi EnglishDom dırektory Maksım Sýndalov.

Aǵylshyn tilindegi sózderdi úsh aı boıy tegin úırený úshin, EDWords saıtyndaǵy Aǵylshyn úırený baǵdarlamasyn App Store nemese Google Play dúkeninen júktep alý kerek. Sodan keıin tirkelip, profılge ótip, ed_free promokodty engizińiz.

 

Vena operasy, Nıý-Iork Metropolıten-opera teatry jáne otandyq ART & Shock, Muhtar Áýezov atyndaǵy Qazaq Memlekttik Akademııalyq drama teatry

Kirý ýaqyty: 16 naýryz / 17 naýryz 20:30 (ART jáne Shock)

Qazir mádenı oryndarǵa karantın jarııalanǵaly beri, «asaýǵa tusaý» salynǵandaı teatrdan qol úzip, kóndige almaı jatqanymyz ras. Biraq ónerge yntyq jandar úshin qýanyshty jańalyqtar barshylyq. Vena operasy men Nıý-Iork Metropolıten-opera teatry sizder úshin HD spektaklderin usnyp otyr. Sizge tek saıtqa kirseńiz jetkilikti. Qushtarlyqqa toly Karmenniń tartysty oıynyn nemese kúlli álemniń opera teatrlarynyń tórinen túspeıtin  «Travıata» operasyn tamashalaı alasyz.

Bundaı jaǵymdy úrdisten ózimizdiń otandyq teatrlar da shet qalmady. Alǵashqylardyń biri bolyp teatrartishock teatrynyń Youtube arnasynda «ER-TÖSTIK» spektakliniń alǵashqy onlaın-translıasııasyn ótkizdi. Bul qatarda Muhtar Áýezov atyndaǵy Qazaq Memlekttik Akademııalyq drama teatry da bar. Youtube-tegi Auezov Theatre arnasy kórermenderin apta saıyn jańa qoıylymmen qýantpaq.

 

Bıtrıks24 

Kirý merzimi: 5 naýryzdan bastap

Qazir jumys berýshiler úshin kompanııany qashyqtan jumys isteý tártibine kóshirý qyzyp tur ári qajettilik. Sondyqtan, Bitrix24 veb-saıty tek qana tegin emes, sonymen qatar qoldanýshylar sany jaǵynan shekteýsiz. Eger buǵan deıin tek 12 paıdalanýshyny tegin qosýǵa bolatyn bolsa, qazir myńdaǵan kompanııaǵa deıin qosylýǵa múmkindik berildi.

Baǵdarlamanyń artyqshylyǵy sol barlyq aqparat messendjerler arasynda joǵalmaıdy jáne qujat aınalymy, aqparat almasý ońtaılandyrylǵan.

 

Google G Suite nemese Microsoft toptary 

Kirý merzimi: 5 naýryzdan bastap

IT alpaýyttary qoldanýshylar aldyndaǵy áleýmettik jaýapkershilikti sezine otyryp, G Suite jáne Teams jıyntyǵyn ashyq etti. Bul kompanııalarǵa, ýnıversıtetterge jáne basqa da iri qaýymdastyqtarǵa progreske jol asha otyryp, árdaıym baılanysta bolýǵa múmkindik beredi. Mysaly, G Suite-de barlyq jazbalardy saqtaı otyryp, 250 adamǵa deıin konferensııalar jasaı alasyz. Teams alańynda Maıkrosofttyń barlyq qosalqy baǵdarlamalaryn qoldanýǵa bolady jáne bir ýaqytta baılanysa alady.

 

Call of Duty: Warzone 

Kirý merzimi: 10 naýryzdan bastap

Jaqsy oılastyrylǵan ınterfeısi bar jelilik oıyn kúnińizdi qyzyqty ete túsedi. Mysaly, Activision kompanııasynyń jańa ónimin qazirdiń ózinde 15 mıllıonnan astam oıynshy baǵalap úlgergen. Búryn-sońdy oınap kórmegen bolsańyz, siltemeni basyp kórińiz. Ara-tura oıyn oınap turǵannyń zııany bolmas.

 

Premier, ivi jáne Okko onlaın kınoteatrlary   

Reseılik ortalyqtar kınosúıer qaýymdy qoldaý maqsatynda birqatar múmkindikter berip otyr. Olar tipti @OkkoBro_bot atty telegram bot quryp, qoldanýshylarǵa keńes berip, jazylý paketin berip jatyr. Eshqaıda asyqpasańyz, kókeıde júrgen fılmder men teleshoýlardy kórip tastaıtyn ýaqyt keldi.

 

China National Knowledge Infrastructure (Qytaı ulttyq bilim ınfraqurylymy)

Kirý merzimi: 29 aqpan - 1 shilde

Qytaıdyń Sınhýa ýnıversıteti karantın ýaǵynda Qytaıdyń barlyq jarııalanǵan zertteýleri men koronavırýsqa qatysty málimettermen tanysý úshin ǵylymı bazany kópshilikke tegin usynyp otyr. Sońǵy zertteý jumystarynyń oń nátıjesin baqylap, jaǵdaıdy baǵamdaı otyryńyz!

 

Coursera

Kirý merzimi: 12 naýryzdan 31 maýsymǵa deıin

Coursera-da Amerıka men Eýropanyń jetekshi ýnıversıtetteri qurastyrǵan mıllıondaǵan kýrstardy taýyp, ala alasyz. Ashyq alań fızıka, medısına, bıologııa, matematıka, ınformatıka, ekonomıka jáne bıznes kýrstaryn qamtıdy. Odan bólek óner men gýmanıtarlyq baǵyttaǵy sabaqtar bar. Kýrstardyń uzaqtyǵy shamamen alty-on aptany quraıdy, aptasyna 1-2 saǵat vıdeo dárister, kýrstarǵa tapsyrmalar, aptalyq jattyǵýlar, keıde qorytyndy joba nemese emtıhan kiredi.

 

Alpına baspasy

Kirý merzimi: 17 naýryzdan bastap Reseı Federasııasyndaǵy karantınniń sońyna deıin

Kórsetilen saıtqa GIFT_STAYHOME kodyn qoldana otyryp, Alpına baspasynan shyqqan iOS jáne Android qosymshalarynda túrli taqyryp boıynsha 70 shaqty elektrondy kitapty júkteı alasyz.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar