Bas qalanyń tirshiligi qalaı bolmaq?

Ákim orynbasarynyń aıtýyn­sha, qala perımetri boıynsha tur­­ǵyndardyń qozǵalysy men kó­lik­­ter­diń kirip-shyǵýyn ret­teý úshin qala sheńberinde 7 blok-be­ket ornatylǵan. Qor­ǵanys mı­nıstr­liginiń tıisti qyz­met­ker­leri jáne sanıtarlyq-epı­de­mııalyq qyz­mettiń ókilderi, sondaı-aq ishki ásker qyzmetkerleri blok-be­ket­terde qyzmet atqarady. «Qala basshylyǵy Talapker, Qara­ótkel (Ilınka), Qoıandy, Qos­shy, Jibek joly, Shubar aýyl­da­ry turǵyndarynyń qoz­ǵa­lys má­se­lesin rettedi. Bul eldi ­me­ken tur­ǵyndarynyń qala sheń­berin­degi qozǵalys erejeleri, qala tur­ǵyn­darymen teńbe-teń. Sanı­tar­lyq-epıdemııalyq talap­tarǵa saı, karantın aýmaǵy qala syr­tyndaǵy eldi mekenderdiń she­karasyna deıin barynsha keńeı­tildi. Iаǵnı, blok-beketter bul aýyl­dardyń syrtynda ornalastyryldy», dedi B.Máken.

22 naýryzǵa deıin múmkindik berildi

Qalaǵa kirip-shyǵýǵa ýaqytsha múmkindik berilip otyr. Iаǵnı 22 naý­ryzdan bastap barlyq sanattaǵy adam­dardyń kirip-shyǵýyna tos­qaýyl qoıylady. «Turǵyndar úshin mańyzdy aq­parat, elorda­ǵa kirý­ge jáne qala­dan shyǵýǵa ázirshe ýaqyt­tary bar. Aldaǵy 72 saǵat áýe jáne temir jol qatynastary ar­qy­ly qaladan ketý nemese kelý úshin múm­kindik berilip otyr. 22 naýryz­dan bastap barlyq sanattaǵy turǵyn­darǵa qala aýmaǵyna kirý­ge jáne shyǵýǵa tolyq shekteý qo­ıy­lady. Kez kelgen qatynastardyń tran­­­zıt­tik tasymaldaýlary, Nur-Sul­­­tan qala­­syn­yń aýmaǵynda toqta­tyl­­­­maı júr­­giziledi. Iаǵnı, jolaýshy poıyz­dary qala arqyly ótedi, bi­raq toq­ta­maıdy. Al 22 naýryzdan bastap Nur-Sultan qalasynan esh­qandaı «jo­laýshy poıyzy» jolǵa shyq­paı­dy. Qala aýmaǵyn basyp óte­tin ne bol­masa azyq-túlik tasymal­daı­tyn kó­likter arnaıy jasyl dáliz­ben ǵana qatynasady. Bul qalaǵa kerek­­ti taýarlarǵa baılanysty», dedi B.Máken.

Bas qalada qandaı talaptar kúsheıtildi?

Qala basshysynyń orynbasary indetti eskertý jáne aldyn alý boıynsha birqatar talaptar kúsheıtilgenin jetkizdi.

Atap aıtqanda, birinshi, ınfek­sııanyń taralýyna jol bermeý úshin arnaıy О́ńirlik jedel shtab qurylyp, táýlik boıy qyz­met etedi. Ekinshi, halyq pen sharýa­shylyq sýbek­ti­leri­niń qyzmetin retteý úshin qala­lyq shtabtyń arnaıy she­shimi qabyldandy. Úshinshi, qala­nyń azyq-túlik qaýipsizdigin qam­tamasyz etý úshin arnaıy is-sharalar jospary iske asýda. Qosymsha azyq-túlik taýarlaryn jetkizý máselesi, óńirlermen bir­lese otyryp sheshildi. Qazir ha­lyq­qa eń birinshi qajetti áleý­mettik jáne tutynýshylyq taýarlar qory jetkilikti. Saýda úıleri men qoımalarda artyq kólemde qor jınaqtalǵan. Tórtinshi, Den­saýlyq saqtaý mınıstrliginiń «A» jáne «V» josparyndaǵy is-qımyl algorıtmine sáıkes, koronavırýs ınfeksııasyn juqtyrǵan adamdarmen baılanysy bolǵan tulǵalarǵa arnalǵan aldyn alý jatyn oryndary men karantın stasıonarlary keńeıtildi. «S» josparyna sáıkes qosymsha jatyn oryndar jasaqtaldy. Besinshi, Farmasevtıka qaýymdastyǵy men Taýarlardyń qaýipsizdigin, sapasyn jáne qyzmetin baqylaý departamenti arasynda baǵany retteý, sondaı-aq dárilik jáne me­dı­sınalyq taýarlardy jetkizý bo­ıynsha ózara yntymaqtastyq memorandýmyna qol qoıyldy.

Is-sharalar kesheni iske asýda

B.Máken elordada sanıtarlyq-epıdemııaǵa qarsy keńeıtilgen is-sharalar kesheni iske asyrylyp jatqanyn da baıandady. Iаǵnı aıaldamalardy, qoǵamdyq kólikterdi, kóshe boılaryn jáne ózge de áleýmettik mańyzdy nysandardy sanıtarlyq retteý jáne dezınfeksııalaý jumystary uıymdastyrylýda. Azyq-túlik ónimderin satatyn saýda úıleri men dúkenderdiń úzilissiz qyzmet etý múmkindigi qamtamasyz etilýde. Qoǵamdyq tamaqtaný oryndarynda onlaın tapsyrys berý jáne tamaqty úıge jetkizý formaty júıesi uıymdastyryldy. Bıznes ortalyqtar, stomatologııa, shashtaraz jáne taǵy basqa halyqqa jeke­leı qyzmet kórsetý oryndary saǵat 10.00-den 17.00-ge de­ıin qyz­met etedi. Al qurylys jáne olar­dyń merdiger kompanııa­lary sanı­tarlyq normalardy kúsheı­te otyryp, shtattyq rejimde jumys­taryn jalǵastyrady. «Tur­ǵyndar jáne zańdy tulǵalar, menshik nysanyna qaramastan, shekteý sharalaryn, sonyń ishinde karantındik rejimdi oryndaýǵa mindetti», dedi qala basshysynyń orynbasary.

Sondaı-aq ol azamattarǵa mem­lekettik resmı derekkózderde ja­rııa­­lanǵan aqparattarǵa ǵana súıe­nip, janaspaıtyn máli­met­terge senbeýdi jáne arandatý­shy­­lyqqa barmaýdy eskertti. Bar­­sha elordalyqtardy sabyrǵa shaqyr­ǵan ákimniń orynbasary at­qa­rylyp jatqan sharalarǵa túsi­nistikpen qarap, karantın talaptaryn tolyq saqtaýdy ótindi.