Koronavırýs • 20 Naýryz, 2020

Taǵy juqtyrǵandar bar

1576 retkórsetildi

Elimizde indet juqtyrǵandardyń sany 52-ge artty. Keshe Almatyda taǵy bir naýqas tirkelip, juqpaly dertke shaldyqqandar 22 adam bolsa, Qaraǵandy qalasynan eki naýqas anyqtaldy. Al Nur-Sultan qalasynda 3 jaǵdaı tirkelip, naýqastardyń sany 28-ge jetti.

Keshe túske deıin Densaýlyq saqtaý mınıstrligi úsh naýqastyń jańadan tirkelgenin habarlady. Artynsha mınıstrliktiń resmı ókili Dıas Ahmetshárip naýqastardyń jaǵdaıy jaıly baıandady. Onyń aıtýynsha, Qaraǵandy qalasyndaǵy eki naýqas ta №0324 Mınsk – Qaraǵandy reısimen ushyp kelgen Qazaqstan azamattary. Olar 1971 jáne 1972 jyldary týǵan. Al Almatyda úsh azamat vırýs juqtyrǵan. Onyń biri Berlın qalasynan ushyp kelgen 1979 jylǵy áıel bolsa, ekinshisi Fransııadan ushyp kelgen 1997 jylǵy er adam. Úshinshisi – 1982 jylǵy áıel adam. Bul kúni Nur-Sultanǵa 3 halyqaralyq bort keldi. Jolaýshylardy qarsy alý kezinde barlyq qajetti qaýipsizdik sharalary saqtalypty.

Mınıstrliktiń sońǵy aqparatyna súıensek, keshegi kúni 787 adam stasıonarda karantınge alynsa, 2687 azamat úı karantıninde jatyr. Aıta keteıik, Aqparat jáne qoǵamdyq damý mınıstri Dáýren Abaev Qazaqstanda koronavırýs týraly jańa saıttyń iske qosylǵanyn habarlady. Jańa
www.coronavirus2020.kz saıtynda tó­ten­she jaǵdaı boıynsha, karantın kez­indegi tártip pen memlekettiń korona­vı­rýsqa qarsy jasap jatqan sharalary, sondaı-aq, jelide taraǵan jalǵan málimetterdi teriske shyǵarý sııaqty bar­lyq ózekti aqparattar jınaqtalmaq.

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar