Qazaqstan • 20 Naýryz, 2020

Pandemııanyń ýran óndirisine áseri

18 retkórsetildi

Dúnıe júzin dúrliktirgen koronavırýs álemdik ekonomıkanyń aǵzasyna da aıtarlyqtaı nuqsan keltirýde. Pandemııanyń saldarynan aýyr óndiris oryndary, fabrıkalar, megakorporasııalardyń birazynyń jumysy saıabyrlady, qaltaly azamattar mıllıardtaǵan shyǵynǵa batýda. Bul ásirese shıkizat naryǵynda anyq baıqalyp otyr. Qazaqstan ýran óndirisi boıynsha álemdik kóshbasshynyń biri sanalady. Byltyr «Qazatomónerkásip» UAK» AQ taza tabysy 50%-ǵa qysqaryp, 213,7 mlrd teńgeni qurady. Buǵan jahandyq indet yqpal etti me, álde otandyq shıkizatqa suranys azaıyp bara ma?

Ulttyq atom kompanııasynyń basshylyǵy atap ótkendeı, ázirge jahandy sharpyǵan pandemııa ýran naryǵyna aıtarlyqtaı nuqsan keltire qoıǵan joq. Dese de, aldaǵy ýaqytta jaǵdaı kúrdelense, shıkizatty tutynýshy elderge jetkizýge baılanysty josparǵa túzetýler engizilýi ábden múmkin.

2017-2018 jyldary «Qazatomónerkásip» aksııalaryn IPO-ǵa shyǵarý maqsatynda aktıvterin qaıta qurylymdaý men shoǵyrlandyrýǵa baǵyttalǵan jumys júrgizdi. Munyń nátıjesi qubylmaly kiriske alyp keldi. Sol sebepti taza paıdanyń 50%-ǵa qysqarýy, osy shoǵyrlandyrý isine tikeleı baılanysty deıdi «Qazatomónerkásip» UAK» AQ basqarma tóraǵasy Ǵalymjan Pirmatov. Oǵan juqpaly vırýstyń esh qatysy joq.

– Bizdiń operasııalyq qyzmetten túsetin tabys 84%-ǵa artty.  Sondyqtan nátıje jaman emes dep oılaımyn. Jer qoınaýy jáne jer qoınaýyn paıdalaný týraly kompanııalarǵa kelisimshartta aıtylǵan kólminen azdy-kópti 20%-ǵa aýytqýǵa múmkindik beredi. Qazir biz mınýs 20% deńgeıinde turmyz, ıaǵnı jer qoınaýyn paıdalaný týraly kelisimshartqa ózgeris engizbeı-aq, qajet bolsa óndiris kólemin arttyra alamyz. Atalǵan kelisimshartqa ózgeris engizý jóninde jer qoınaýyn paıdalanýshylar men quzyrly organ kelissózder nátıjesinde sheshedi. Ázirge mundaı jospar qarastyrylǵan joq. Koronavırýsqa toqtalsaq, qazir jumysymyz tártipke saı atqarylýda jáne qyzmetimizge ázirge zııan tımedi. Biraq jaǵdaı uzaqqa sozylyp qıyndasa, onda tabıǵı ýrandy tutynýshylarǵa jetkizý jumystaryna baılanysty qyzmetimizdi qaıta qarastyrýǵa týra keledi, – dedi Ǵ.Pirmatov.    

Sondaı-aq ulttyq atom kompanııasy qyzmetkerleriniń ishki jáne syrtqy jumys saparlaryna ýaqytsha shekteý qoıylý múmkin ekeni aıtyldy. Basqarma basshylyǵy álemdegi ahýaldy udaıy nazarda ustap otyrǵandaryn jetkizip, barlyq qaýipsizdik sharalary meılinshe kúsheıtilgenin naqtylady.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar