Medısına • 20 Naýryz, 2020

Úıde antıseptık daıyndaýdyń 4 ádisi

1148 retkórsetildi

Jurtshylyq qol súrtetin antıseptık tappaı, ábigerge túsip júr. Buryn dúkenderde qaptap turatyn antıseptık qazir juqpaly indetke baılanysty qat bolyp ketti, tabylǵan kúnniń ózinde baǵasy sharyqtap tur. Osyny eskergen epıdemıolog-dárigerler  antıseptıktiń úıde daıyndaý ádisin usynýda.

Dárigerler usynǵan antıseptık  jasaý ádisteriniń túri kóp. Sonyń ishinde tez ári ońaı jasalatyn tásilderin iriktep aldyq.

Sonymen, birinshi ádis boıynsha, sizge keregi ­- 50 ml medısınalyq spırt, 30 ml glıserın, 5 tamshy kez kelgen efır maıy. Apelsın, greıpfrýt, sary órik, jalbyz maılaryn da paıdalanýǵa bolady, ony endi talǵamyńyzǵa qaraı tańdaısyz. Osy daıyn komponenterdi jaqsylap aralastyrasyz da ózińizge yńǵaıly ydysqa quıyp alasyz. Antıseptıktiń quramyndaǵy spırt qoldy mıkrobtardan zararsyzdandyrsa, glıserın qurǵap ketýden saqtaıdy, al efır maılary spırttiń ótkir ıisin joıyp, antıseptıkke hosh ıis beredi.

Ekinshi ádis ­– 50 ml túımedaqtyń spırttik tunbasyna 50 ml sý, 30 ml glıserın jáne 5 tamshy efır maıyn qosasyz da aralastyryp, aýzynda búrikkishi bar qutyǵa quıasyz.

Taǵy bir ádis ­­­­­­ - 50 ml medısınalyq spırtke 30 ml túımedaq shóbiniń qaınatpasyn qosyp, spırttik tunba daıyndaısyz. Oǵan 7 tamshy sháı aǵashynyń efır maıyn jáne 1 as qasyq aloe ósimdiginiń syǵyndysyn qosasyz. Bul da mıkrobtardy jaqsy zararsyzdandyratyn qasıetke ıe.  

Dúnıejúzilik densaýlyq saqtaý uıymy da antıseptıkti úıde jasaýdyń tásilin ǵalamtor paraqshasynda jarııalady. Olar birden bir lıtrlik antıseptıktiń ádisin usynypty.  Ony daıyndaý úshin sizge 830 ml spırt, 40 ml sýtegi peroksıdi jáne 14 ml glıserın qajet. Úsheýin 50 ml-deı sýmen aralastyrasyz da aýa kirmeıtin ydysta, salqyn jerde saqtaısyz. Kóshege shyqqan kezde ózińizge jeterlik bóligin shaǵyn ydysqa quıyp alǵanyńyz abzal.

Mamandardyń aıtýynsha,  vırýstan saqtanýdyń basty joly – gıgıena saqtaý, qoldy jıi sabyndap jýý. Al syrtta júrgen jaǵdaıda qoldy antıseptıkpen jıi súrtip otyrǵan jón.

Joǵaryda usynylǵan antıseptıkterdiń quramy kez kelgen dárihanada satylady, baǵasy da arzan. Jalpy quramynda spırti bar antıseptıktiń kez kelgeni bakterııany joıýǵa qaýqarly.  Biraq dárigerler múmkindiginshe spırti 70 paıyzdan kem emes antıseptıkti paıdalanýǵa keńes beredi.

 

Qymbat TOQTAMURAT

Sońǵy jańalyqtar

Almatyda onlaın jattyǵý ótedi

Sport • Búgin, 11:51

Jalǵan aqparat taratqan muǵalim ustaldy

Koronavırýs • Búgin, 11:45

Túrkistan: Kásipkerlerdiń kómegi kóp

Aımaqtar • Búgin, 11:13

Naýqastyń jeke deregin kim taratty?

Aımaqtar • Búgin, 10:59

Jýrnalıst Amanhan Álimuly dúnıeden ótti

Rýhanııat • Búgin, 10:53

Qaıyrymdylyq aksııasynyń aýqymy keń

Aımaqtar • Búgin, 09:40

Shekteý sharalary qatań saqtalýy tıis

Koronavırýs • Búgin, 09:18

Meıirlannyń músinderi

Rýhanııat • Búgin, 08:05

Memleket basshysynyń qamqorlyǵy

Qoǵam • Búgin, 07:50

Kúı qudireti

Rýhanııat • Búgin, 07:43

Daýys galereıasy

Rýhanııat • Búgin, 07:39

Aq jeleńdilerge alǵys aıtty

Rýhanııat • Búgin, 07:35

El áńgimelerin ekshegen

Rýhanııat • Búgin, 07:28

Tórt túlik kóbeıse, toqshylyq keledi

Ekonomıka • Búgin, 07:26

Tarıhta qalǵan indetter

Tarıh • Búgin, 07:22

Nesıe tóleýdi toqtata turý tártibi

Ekonomıka • Búgin, 07:21

Onlaın oıynda jeńildi

Hokkeı • Búgin, 07:15

Uqsas jańalyqtar