Aımaqtar • 20 Naýryz, 2020

Aqmolalyq dıqandar daıyndyq ústinde

11 retkórsetildi

Bıylǵy kóktemde aqmolalyqtar 5 mıllıon gektarǵa jýyq egistik  alqapqa dán sebýdi josparlap otyr. Bıdaı egýge taǵy 150 myń gektar jer  bólindi.

Maıly daqyldar, jemdik shópter, kartop egýde ósim baıqalady. Oblys ákimdiginiń otyrysynda osy jáne ózge de máseleler talqylandy. Oblysta tuqym qory júz prosent jetkilikti. Búgingi kúni taldaýdy akkredıttelgen zerthanalar júrgizedi. «Esil» áleýmettik-kásipkerik korporasııasy tarapynan kepildik arqyly kóktemgi egis jumystaryn nesıelendirý máselesi pysyqtalýda. Aldyn-ala málimetter boıynsha, kepildik arqyly dándi-daqyldar sińirýge shamamen 5 mıllıard teńge bólingen. Egistik alqaptaryna myń eki júzden astam egistik kesheni, 16 myń tuqym sebetin tehnıka shyǵady. Tehnıkalyq parktiń daıyndyǵy 90 prosent deńgeıinde. Dızel otynyn keste boıynsha jetkizý josparlanǵan.

   – 15 sáýirde akkredıttelgen zerthanalarda tuqymdardy tekserýge qatysty jumystardy aıaqtaý qajet. 10 sáýirge deıin barlyq dán sińiretin  tehnıkalardy jóndeý jumystaryn bitirý qajet. Memlekettik qoldaý baǵdarlamalary boıynsha bıýdjet qarajatyn ýaqytyly ıgerý mindetteledi,–deıdi oblys ákimi Ermek Marjyqpaev.

О́ńirde ósimdik sharýashylyǵy salasyn damytýǵa memleket 12 mıllıard teńge kóleminde sýbsıdııa bóldi. Ermek Marjyqpaev egistik alqaptardy qysqartyp jatqan úsh aýdannyń basshylaryna syn aıtty. Sonymen qatar, astyq sharýashylyǵynyń ǵylymı-óndiristik ortalyǵymen tyǵyz baılanysta jumys isteýge keńes berdi. Keı aýdandar tuqym máselesin áli sheshpegen. Al janarmaıdy arzandatylǵan baǵamen satyp alýǵa múmkindik bar.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar