Aımaqtar • 20 Naýryz, 2020

Kókshetaý óńiri qarǵyn sýdan qaýiptenip otyr

14 retkórsetildi

Aımaqta kóktemgi sý tasý qaýpi joǵary eldimekender aldyn-ala anyqtalyp, qaýipsizdik sharalary barynsha kúsheıtilgen. Qazgıdromettiń málimeti boıynsha ózen sýlarynyń mólsheri byltyrǵydan 72 prosentke kóp.

Qar qańtar, aqpan aılarynda qalypty mólsherden eki jarym ese kóp tústi. Jabaı ózeninde muz jarý jumystary 13 naýryzda bastaldy. Endigi másele ózen arnasyn tazartý.

   – Jabaı ózenin tazalaý óte kúrdeli másele. 2019 jyly tolyq smetalyq qujaty daıyndalǵan. Qajetti qarajat kólemi 23 mıllıard 400 mıllıon teńge. Qarjy bólý sheshilip jatyr. Eger bıyl sheshilse, birinshi kezeńdegi jumys bastalady, uzyn-yrǵasy úsh jylǵa negizdelgen,–deıdi Atbasar aýdanynyń ákimi Amanbek Qaljanov.

Jabaı ózeniniń jaǵalaýyndaǵy qaterli aımaqta áli 88 otbasy turyp jatyr. Oblys ákimi Ermek Marjyqpaevtyń tapsyrmasyna sáıkes byltyr 5 birdeı 100 páterli turǵyn úıdiń jobalyq-smetalyq qujattary ázirlendi. Memlekettik saraptamadan da ótken. Apat oryn ala qalǵan jaǵdaıda adamdardy qaýipsiz jerge kóshirý kózdelýde. Ondaı jaǵdaıǵa tap bolsa, qaladaǵy 5 mektep ázir tur.  

  – Áleýmettik nysandar men 3 mektepti qum toltyrylǵan qaptarmen qorshaý jumystary júrgizilip jatyr. Qalada 5 mektep pen aýyldyq jerlerdegi barlyq bilim oshaqtaryna adamdar ýaqytsha kóshiriletin bolady. Turmysqa qajetti barlyq jaǵdaılar jasalady. 350 adamnan jasaqtalǵan qutqarýshy men 60-tan astam tehnıka daıyn,–deıdi aýdandyq tótenshe jaǵdaılar jónindegi bóliminiń bastyǵy Erbolat Áshkenov.

Aýdanda 79 myń tekshe metr qar qala syrtyna shyǵarylǵan. Budan bólek, 8 shaqyrym sýaǵarlar men aryqtardyń arnalary tazartylypty. Aǵyn sýdyń aldyn-alýǵa jergilikti bıýdjetten 25 mıllıon teńge baǵyttalǵan.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar