Naýryz, Navrýz nemese Novrýz merekesi Qazaqstan, Qyrǵyzstan, О́zbekstan jáne ózge de Orta Azııa elderinen bólek, Ázerbaıjan, Iran, Aýǵanstan, Iraktyń Kúrd ákimshilik aımaǵy, Túrkııa jáne Sırııa elderinde toılanady.
2009 jyldan bastap UNESCO-nyń adamzattyń mádenı muralary tizimine engen Jańa jyl merekesi ár elde túrli dástúrmen toılanady. Barlyq elde bar bir uqsastyq ol – kóp adamnyń máre-sáre bolyp kórisýi men merekeniń birneshe kúnge sozylýy.
Álemniń 160-tan astam elinde tirkelgen pandemııanyń kesirinen bul dástúr bıyl jalǵaspaıtyn sekildi.
Mereke toılanatyn elderdiń birqatary qazir Qytaıdan taraǵan vırýspen kúresip álek. Máselen, Iranda jaǵdaı ýshyǵyp tur. Elde 20 610 jaǵdaı tirkelse, myńnan astam naýqas indetten kóz jumǵan. Al Túrkııada 947 jaǵdaı tirkelgen, qaza bolǵandar da bar. Ortalyq Azııa elderine keler bolsaq, bizdiń elimizde 57 adam vırýs juqtyrǵan, el bıligi elde tótenshe jaǵdaı jarııalap, 2 iri qalany karantınge japty. О́zbekstan búgin elde vırýs juqtyrǵandar sany 42-ge jetkenin málimdese, Qyrǵyzstanda 14 adam anyqtaldy.
Joǵaryda aıtylǵan elder men ózge de memleketter qazir shekaralaryn jaýyp, vırýsty jeńýdiń jolyn qarastyryp jatyr.
Kórshi elde Qytaı jańa jylynyń qarsańynda bastalǵan indet, endi Shyǵys jańa jylynda bizge de jetti.
