Aımaqtar • 22 Naýryz, 2020

Marhabat Baıǵut: Eldiń birligi, bólinbes yntymaǵy osyndaıda bilinedi

18 retkórsetildi

Túrkistan oblysynda asa muqtaj jandarǵa antıseptıkalyq quraldar, medısınalyq maskalar jáne birinshi kezekte qajetti ónimder men azyq-túlik tapsyrylyp jatyr. Ekinshi dúnıejúzilik soǵysynyń ardagerlerine, kóp balaly otbasylar, jalǵyzilikti analarǵa ylǵaldy maılyqtar, antıseptık, medısınalyq betperde, qaǵaz maılyq pen azyq- túlik taratylýda.

Mysaly, «Nur Otan»  partııasy Saıram aýdandyq fılıalynyń músheleri jáne eriktilerdiń dánekerligimen 130 otbasy atalǵan kómekke qol jetkizdi. Bul ıgi ister Elbasy bastamasymen jarııalanǵan «Biz birgemiz!» respýblıkalyq aksııasy sheńberinde atqarylyp jatqany málim. «El basyna osyndaı qıynshylyq túsken kezde birigý arqyly ǵana jeńip shyǵatynymyz aıan. Ásirese, kásibin dóńgeletip, el ıgiligi jolynda eńbek etip jatqan jeke kásipkerlerdiń osyndaıda jomarttyq tanytýy qýantarlyq jaǵdaı. Elbasy barlyq Qazaqstan azamattaryna, onyń ishinde kásip ıelerine erekshe úndeý joldady. Aty jaman aýrýdan halyqty aman alyp shyǵý úshin óz úlesterin qosýǵa shaqyrdy. Jany jomarttyqqa jaqyn Túrkistannyń atymtaı jomart azamattary birden bul úndeýge qoldaý bildirdi. Arys oqıǵasy kezinde talaıǵa sharapaty tıgen «Túrkistan» qoryna qarajat aýdaryp, aýrýdyń keń taralýynyń aldyn-alýy úshin kómek kórseter kásipkerler shyqty. Onyń ústine barlyq salanyń qyzmetkerleri bir kúndik aılyq aqylaryn aýdaryp, úlesterin qosýda. Mine, eldiń birligi, bólinbes yntymaǵy osyndaıda bilinedi.

Jumyla kótergen júktiń aýyr bolmaıtynyn dáleldep, biz bul qıyndyqty da birlikpen, temirdeı tártippen, joǵary jaýapkershilikpen, talapshyldyqpen, tazalyqpen jeńip shyǵarymyzǵa kámil senemin», deıdi jazýshy, halyqaralyq «Alash» ádebı syılyǵynyń ıegeri Marhabat Baıǵut.

Túrkistan oblysy

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar