Aımaqtar • 22 Naýryz, 2020

Almaty oblysy: Jylqyny GPS baǵady

86 retkórsetildi

Byltyr «Zhersu» ınvestısııalyq-óndiristik korporasııasy Almaty oblysynyń Alakól aýdanyń aýmaǵynan asyl tuqymdy jylqy fermasyn ashqan bolatyn. О́ńirdegi qylquıryqtyń sanyn arttyryp, tuqymyn jandandyrýǵa oraı bastalǵan is nátıjeli júrip jatyr. Qazir qystan shyqqan 10 000 bas jylqy jaıylymda júr.

«Alakól Asyl jylqysy» seriktestiginiń jumysy zamanǵa saı tehnologııa jetistikterimen jabdyqtalǵan eken. Áýeli fermadaǵy turǵyndarǵa qolaıly jaǵdaı jasalǵan. 56 adam jumys isteıdi eken. Turǵyn úı, jataqhana bar. Munda monsha, dúken, ashana sııaqty qajetti nysandardan bólek mádenı kópshilik demalys sharasyn ótkizýge bolady. Iаǵnı, quryltasıshylar jylqyshylar úshin kınoteatr men kitaphana ashyp beripti.

Fermada mal baǵýdyń da jańasha tásili júzege asyp otyr. Endigi jylqyny buynǵydaı quryqqa súıenip, izinen ańdyp baǵatyn kezeń kelmeske ketipti. Qazir Qambar ata balasynyń júris-turysyn, jaıylymdaǵy júrisin monıtordan baqylap otyrýǵa múmkindik bar. Mundaǵy asyl tuqymdy ár basqa GPS baılanǵan. Iаǵnı, jylqyny quryq ustaǵan jylqyshy emes, judyryqtaı qurylǵy baǵady.

- Ferma ótken jyldyń qarasha aıynda iske qosyldy. Bul jobany jylqy tuqymyn asyldandyrý maqsatyndaǵy qolǵa alyp, 1 mıllıard teńgege jýyq ınvestısııa saldyq. Qazir maqsatymyzdyń birinshi kezeńin aıaqtadyq deýge bolady. Ázirge asyl tuqymdy jylqy sanyn 10 000 basqa jetkizdik. Bıyl, buıyrsa, taǵy 10 000 bas jylqy ákelsek degen jospar bar. Qylquıryqty Mańǵystaý, Qaraǵandy, Shyǵys Qazaqstan oblystarynan satyp aldyq. Reseıden ákelingeni de bar. Jylqyǵa qosymsha túıe sharýashlyǵyn damytýdy qolǵa alýdamyz, - deıdi «Zhersu» ınvestısııalyq-óndiristik korporasııasy baqylaý keńesiniń tóraǵasy Baýyrjan Ospanov.

Aıtpaqshy, bul «Zhersu» korporasııasynyń Alakól aýdanyndaǵy jalǵyz mal fermasy emes. Biraz jyl buryn iske qosylǵan «Qaıyńdy» mal bordaqylaý alańy men et óńdeý zaýyty qazir naryqtaǵy óz orynyn tapqan kásiporyn sanatyna kiredi. 5 000 basqa arnalǵan bordaqylaý alańy bar. Jemdeýdegi sıyrdyń deni asyl tuqymdy eken. Áý basta gereford jáne angýs tuqymdy 4500 bas sıyr ákelinipti. Al zaýyttyń mal soıý sehynda kúnine 60 basqa deıin mal soıylady. Al «Qaıyńdynyń» shujyq sehynda jasalǵan ónim qazir Qazaqstan naryǵyn jaýlap alǵan. Seh táýligine 6 tonnaǵa deıin daıyn ónim shyǵarady. Naryqqa 18 túrli shujyq jóneltip otyr.

Jalpy, salystyrmaly túrde alǵanda Almaty oblysynda mal basynyń ósýi men ónimi orta eseppen 4,5 paıyzǵa ósken eken. Aımaqta 102 asyl tuqymdy mal bordaqylaý alańy qurylǵan. Alys-jaqyn shetelden 10 myń basqa  jýyq iri qara ákelinipti. Júıeli jumystyń nátıjesi tutas agroónerkásip keshenniń damýyna Almaty oblysynyń qosqan úlesin arttyryp otyr. Byltyr bul kórsetkish 20 paıyzǵa jetti. Bıyl da qazan aýyzy joǵary dep otyrmyz. О́ıtkeni, óńirdegi 1 mıllıonnan bas iri qara maly men 4 mıllıonnan astam usaq mal basy bar. Munda agroónerkásip kesheniniń keleshegin anyqtaıtyn salmaq jatyr...

 

Almaty oblysy

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar