Koronavırýs • 23 Naýryz, 2020

Álemniń kóptegen eli vırýsqa qarsy vaksına ázirleýde

42 retkórsetildi

Belgili bir vırýsqa qarsy ımmýnıtetti qalyptastyratyn vaksınalar – paıdaly ǵana emes aıtarlyqtaı qomaqty bıznes. Qazirgi tańda dúnıejúzin dúrbeleńge salǵan koronavırýstyń vaksınasyn izdeýmen aınalysyp ketken memleket az emes. Olardyń uzyn-sany 35-ke jýyqtaıdy.

О́tken aptada álemniń birneshe memleketi vırýsqa qarsy vaksına daıyn ekenin, endi ony tek synaqtan ótkizý ǵana qalǵanyn jarııalady.

Koronavırýstyń jańa túrine qarsy vaksınany alǵashqylardyń biri bolyp Amerıkanyń Moderna kompanııasy klınıkalyq synaqtan ótkize bastady. Olar synaq júrgizýge óz erkimen kelisken 18 ben 45 jas aralyǵyndaǵy  45 azamatqa jańa vaksınany ekken. Bul vaksınanyń ereksheligi – onyń quramynda vırýs qozdyrǵyshy joq, tek genetıkalyq kody ǵana bar.

Al Eýropada vaksına jasaý jaǵynan «básekege túsip» jatqan eki nemis kompanııasy bar. Olardyń vaksınasy aýrýdy asqyndyratyn aqýyzdyń jumysyn joıýmen erekshelenedi. Bul zertteý ortalyqtary synaq merzimin bıylǵy jazǵa qaldyryp otyr.

Epıdemııanyń alǵashqy oshaǵy – Qytaı da koronavırýsqa qarsy vaksına jasap shyǵarǵanyn, kóp uzamaı onyń qalaı áser etetinin teksere bastaıtynyn jarııalady.

Ulybrıtanııa bolsa, vırýsqa qarsy shyǵarǵan vaksınany kelesi aıdan-aq synaqtan ótkize bastaıtynyn málimdedi. 

Reseı de eýropalyq áriptesterinen qalyspaı, 20 naýryz kúni novosibirlik «Vektor» vırýsologııa zertteý ortalyǵy indetke qarsy vaksınany synaqqa deıingi tekserý testterin bastaǵanyn jetkizdi. Ile-shala Qazaqstannyń da vırýsqa qarsy  ekpe ázirleı bastaǵany belgili boldy.

Kim qaı kezde vaksınasyn synaqtan ótkizse de Dúnıejúzilik densaýlyq saqtaý uıymy kemi 1,5 jylsyz qolǵa vaksına tımeıtinin málimdedi. Sebebi, adamnyń ımmýnıtetine salynatyn ekpe kóp suryptaýdy qajet etedi. Onyń paıdasy men zııany tarazyǵa tartylyp, ábden elekten ótip, qaýipsizdigi dáleldengennen keıin ǵana adamzatqa jol tartady.

 

Qymbat TOQTAMURAT

 

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar