Aımaqtar • 23 Naýryz, 2020

Baıanaýyl aýdanyn sý basý qaýpi bar

81 retkórsetildi

Oblys ákimi Ábilqaıyr Sqaqov birinshi orynbasary Suńǵat Esimhanov, Tótenshe jaǵdaılar departamentiniń bastyǵy Ernur О́tegenovpen birge aýdandaǵy sý tasqyny qaýpi bar aýmaqtardy arnaıy  tikushaqpen aralap shyqty.

Sýretti túsirgen: Valerıı Býgaev

Al, Baıanaýyl aýdanynyń ákimi Qanat Kárimov Sátbaev, Musa Shormanov atyndaǵy, Kókdonbaq, Jańajol aýyldaryndaǵy ahýal jaıynda habarlady.

Basqa  da aýyldarda qar shyǵarý jumystary júrgizilýde. Barlyq sý ótkizý qubyrlary tazartylǵan.

Sý deńgeıin úzdiksiz ólsheý turý úshin bes gıdrobeket ornatyldy. Tótenshe jaǵdaıyna 14 myń dana qap, 500 tonna ınertti materıal jáne 10 tonna janar-jaǵar maı daıyndaldy. Tótenshe jaǵdaılar departamentiniń jedel toby shuǵyl áreket etý úshin aýdanda ornalasqan.

Oblys ákimi baspasóz qyzmetiniń málimetinshe, budan keıin Ábilqaıyr  Sqaqov Qalqaman-Baıanaýyl-Úmitker–Ýlıanovskıı respýblıkalyq mańyzy bar joldyń 101 jáne 105 shaqyrymyna da baryp qaıtty.

О́ıtkeni, joldyń bul bólikteriniń túıtkili az emes. Jyl saıyn osy bólikterdi sý basady

«QazAvtoJol «UK» AQ oblystyq fılıalynyń dırektory Aqylbek Qabyldın baıandaýynsha, qazir respýblıkalyq bıýdjetten kezeń-kezeńmen qarajat bólý bastaldy: endi osy bólikterdegi jol deńgeıi kóterilip, kópir salynady dep josparlanýda.

Sondaı-aq Ábilqaıyr Sqaqov Baıanaýyldaǵy Ashysý ózeniniń aǵysyn kórip, Aqjar bógeti aýdanynda Qaraǵandy oblysynyń ákimi Jeńis Qasymbekpen kezdesý ótkizdi.

Ákimder eki oblys shekarasyndaǵy sý tasqyny kezeńinde ózara is-qımyl jáne birlesip áreket etý máselelerin talqylady.

Baıanaýyldaǵy sý tasqyny jaǵdaıy  baqylaýda. Sý tasqyny qaýpi bar aımaqtarda tótenshe jaǵdaı qyzmetteri jáne basqalary da daıyn.          

Pavlodar oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar