Qazaqstan • 23 Naýryz, 2020

Qazaqstandyqtar Londonnan elge oralyp jatyr

279 retkórsetildi

Koronavırýs tóńiregindegi kúrmeýli máselege baılanysty Qazaqstannyń Ulybrıtanııadaǵy Elshiligi shet elderdegi qazaqstandyq konsýldyq qyzmetkerlermen tyǵyz qarym-qatynas ornata otyryp, 100-den astam otandasymyzdyń elge oralýyna jaǵdaı jasady. Bul týraly Syrtqy ister mınıstrliginiń baspasóz qyzmeti habarlady.

Atap aıtqanda, Reseı, BAÁ, Nıderland jáne Belarýs memleketteriniń ońtaıly áýe joldary arqyly tranzıtpen jetýlerine óz septigin tıgizdi.

Máselen, 19 naýryzda Qazaqstannyń tórt azamaty Rıo-de-Janeırodan Londonǵa, odan keıin Helsınkı arqyly Qazaqstanǵa ushýlary kerek bolatyn. Reıstiń toqtatylýyna jáne brıtanııalyq vızalarynyń bolmaýyna baılanysty olar londondyq áýejaıdyń tranzıttik aımaǵynda májbúrli túrde qalyp qoıdy. Elshilik tranzıttik marshrýt aımaqtarynda ornalasqan konsýldarmen aqyldasa otyryp, olardyń Londonnan Qazaqstanǵa tezirek jetýlerine qol ushyn sozdy.

20 naýryzda Qazaqstannyń úsh azamaty Londonnan Qazaqstanǵa Reseı arqyly tranzıtpen usha almady. Dál sol kúni olarǵa «Aeroflot» áýe kompanııasynyń reısi arqyly elge oralýlaryna jaǵdaı jasaldy.  

21 naýryzda Elshilikten kómek suraǵan Islandııadaǵy Qazaqstan azamatshasyna da járdem berildi. Ol da tranzıttik aımaqtardaǵy konsýldardyń kómegimen týǵan jerge jetti.

22 naýryzda Qazaqstannyń 11 azamaty Londonnan Qazaqstanǵa aman-esen oraldy. Reısterdiń bolmaýyna baılanysty eki eresek jáne toǵyz kámeletke jasy tolmaǵan otandastarymyzǵa Londonnan Qazaqstanǵa Abý-Dabı jáne Dýbaıdaǵy áýejaılar arqyly jetýge jaǵdaı jasaldy. Ata-anasyz júrgen kámeletke jasy tolmaǵan qazaqstandyqtarǵa erkin júrip-turýlary úshin ilespe qujattar resimdeýge kómek berildi.

23 naýryzda kámeletke jasy tolmaǵan otandasymyz Londonnan Qazaqstanǵa aman-esen jetti. Oǵan da London-Dýbaı-Nur-Sultan baǵyty boıynsha erkin júrip-turýy úshin ilespe qujattar daıyndalyp berildi.

QR Ulybrıtanııadaǵy Elshiliginiń konsýldyq qyzmetkerleri akkredıtasııa elderinen Qazaqstanǵa barý úshin reısterdiń qoljetimdiligin udaıy zerdelep otyrady. Sonymen qatar London qalasy áýejaılaryndaǵy reısterge tirkeý rásimderiniń qamtamasyz etilýine jaǵdaı jasaıdy. 

Buǵan qosa Qazaqstan azamattary úshin Elshilikte táýlik boıy jumys isteıtin «jedel júıe» qyzmet etedi: +44 (0) 7717 609987, +44 (0) 7570 654654, +44 (0) 7928 389693.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar