Aımaqtar • 24 Naýryz, 2020

Naýryzdaǵy qýanysh

24 retkórsetildi

Kókshetaý qalasyndaǵy arnaıy komıssııanyń sheshimimen apatty jaǵdaıda dep tanylǵan, toqsan otbasy qonystanǵan kópqabatty úıdiń jyry jaqsylyqpen aıaqtaldy.

Oblys ortalyǵyndaǵy Vernadskıı kóshesindegi kópqabatty 11-inshi úı apatty jaǵdaıda bolǵandyqtan, áne-mine súriledi dep kútilgen bolatyn. Toqsan otbasyǵa qala ákiminiń orynbasary S.Shabarovtyń aıtýy boıynsha jaldamaly páterler beriledi delingen. Biraq, bul sheshim turǵyndardyń narazylyǵyn týǵyzdy. Búgingi kúni qala basshylyǵy el tilegin eskere kele, qıyn túıinniń tıimdi sheshimin taýyp otyr. Qala ákimi Amangeldi Smaıylovtyń aıtýyna qaraǵanda, apatty úıde turatyn turǵyndar ózderiniń páterlerine saı kólemdegi jańa baspanaǵa ıe bolmaq.

–Sońǵy sheshim ádilet basqarmasynda. Biz qolǵa alyp otyrǵan sharanyń zańdylyǵyn solar tekseredi. Biz óz tarapymyzdan turǵyndardyń tizimin jasap, kimniń qansha sharshy metr baspanasy bar ekendigin esepteýdemiz,–deıdi qala ákimi.

Qala basshylyǵynyń sheshimin apatty úıdiń turǵyndary qýanyshpen qarsy aldy. Olardy da ábden túsinýge bolady. О́zińdiki bolǵanǵa ne jetsin?!

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar