Qazaqstanda tótenshe jaǵdaıǵa baılanysty negizgi azyq-túlik ónmideri eksportyna shekteý qoıyldy. Naqty aıtqanda, qaraqumyq, bıdaı nemese qarabıdaı uny, qyryqqabat, sábiz, shalqan, qyzylsha, pııaz, qant, kúnbaǵys dáni jáne kúnbaǵys maıy bar.
Atalǵan shara tótenshe jaǵdaı rejıminde ishki naryqta azyq-túlik taýarlarynyń kúrt tapshylyǵyn aldyn alý maqsatynda tarıftik emes retteý sharasy bolyp sanalady.
«Atameken» UKP taýardyń shyǵý mazmunyn rastaıtyn sertıfıkatty beretin ókiletti uıym retinde joǵaryda atalǵan ónimderge eksporttyq sertıfıkatty berýdi toqtatýǵa májbúr ekenin habarlady.
Osy rette Aýyl sharýashylyǵy mınıstrligi azyq-túlik ónimderi eksportyna tyıymdy alyp tastaǵan soń, Palata sertıfıkattardy shekteýsiz, qalypty rejımde berýdi bastaıtynyn eske salady.
Aýyl sharýashylyǵy mınıstriniń 2020 jylǵy 22 naýryzdaǵy №103 buıryǵynyń tolyq mátinimen myna siltemeden: «O Qazaqstan Respýblıkasy aýmaǵynan úshinshi elderge jekelegen taýarlardy shyǵarýǵa tyıym salý týraly» tanysýǵa bolady.
«Atameken» tótenshe jaǵdaı jáne karantın kezinde kəsipkerlikke qatysty máselelerdi jınaqtap, bıznes ókilderi arasynda saýalnama júrgizýde.
