Azamattar www.egov.kz portalynda ornalastyrylǵan ınteraktıvti kartadan vırýs juqtyrǵandar sany jáne olarmen baılanysta bolǵan azamattardy tirkeý, azamat úıde nemese stasıonarlyq karantınde bolýy múmkin, qaýipti aımaqtar týraly aqparatpen tanysa alady. Sondaı-aq, koronavırýsty juqtyrýdyń rastalǵan jaǵdaılary boıynsha ózekti aqparat jarııalanady.
Bul servıs koronavırýs indetimen kúresip jatqanózge elderdiń (Qytaı, Sıngapýr, Koreıa, Izraıl) úlgisinde iske asyryldy jáne halyqtyń jaýapkershiligin arttyrýǵa, gıgıena sharalaryn kúsheıtýge, karantın rejımin saqtaýǵa baǵyttalǵan.QR Densaýlyq saqtaý mınıstrligi ınfeksııanyń taralýyna jol bermeý jáne aldyn alý úshin azamattarǵa qala ishinde júrip-turýdy shekteýdi jáne karantın kezinde úıde otyrýdy usynady. #menúıdemin #úıdemin #ıadoma #doma.
Kartada ornalastyrylǵan barlyq derekter Qazaqstan Respýblıkasy Densaýlyq saqtaý mınıstrliginiń aqparattyq júıelerinen naqty ýaqyt rejıminde alynady.
Jaqyn arada osyndaı servıstiń eGovMobile mobıldik qosymshasynda paıda bolatynan qosymsha habarlaımyz.
Sondaı-aq eGov portalynda ınteraktıvti kartamen birge koronavırýs boıynsha jıi qoıylatyn suraqtar men jaýaptar bazasy ornalasqan.
