Partııanyń "Kedergisiz keleshek", "Baqytty otbasy" jáne "Ardagerlerdi ardaqtaıyq" jobalary arqyly jalǵyzilikti qarııalar, múmkindigi shekteýli jandar, kópbalaly otbasylar jáne áleýmettik jaǵdaıy óte tómen turǵyndarǵa qoldaý kórsetilýde. Koronavırýske qarsy kúres, turǵyndardyń ál-aýqatyn kóterý maqsatyndaǵy aksııaǵa partııa fılıaldary, aýdan, qala ákimderi, jasotandyqtar, erikti jastar jáne jomart kásipkerler men máslıhat depýtattary belsendi atsalysýda.
Bastapqyda 1300-deı otbasyǵa kómek berý josparlanǵan bolatyn. Alaıda turǵyndardyń ótinishteri boıynsha bul tizim 1500-ge ulǵaıyp otyr.
"Búgingideı syn sátte halyqpen birge bolyp, qoldan kelgenshe muqtaj jandarǵa kómektesýimiz kerek. Oblys ákimi О́mirzaq Estaıulynyń tapsyrmasymen óńirde bul aksııa joǵary deńgeıde ótip jatyr" dedi Nur Otan partııasy oblystyq fılıaly tóraǵasynyń birinshi orynbasary Beısenbaı Tájibaev.
Merekelik demalys kúnderi de jumysty toqtatpaǵan jastar men eriktiler, partııa ókilderi ıgi isti jalǵastyryp, demeýshiler, el azamattary tarapynan túsken qarjyǵa alynǵan azyq-túlikti aýdan, aýyldarǵa jetkizýde.
Túrkistan oblysy
