Qoǵam • 25 Naýryz, 2020

Qyzdar ýnıversıtetiniń ujymy «Biz birgemiz!» aksııasyna úles qosty

41 retkórsetildi

Qazaq ulttyq qyzdar pedagogıkalyq ýnıversıtetiniń oqytýshylarynan quralǵan volonterlik top «Biz birgemiz!» jalpyulttyq aksııasy aıasynda ıgilikti iske muryndyq boldy.

Atap aıtqanda, oqý ornynyń Pedagogıka jáne psıhologııa fakýltetiniń ujymy Almaty qalasynyń podezderi men aýlalaryn dezınfeksııalaý jumystarynyń kúsheıýine baılanysty týyndaǵan jaǵdaıǵa oraı medısınalyq qyzmetkerler úshin ýnıversıtet jataqhanalarynda arnaıy jatyn oryndar daıyndaldy.

Fakýltet dekany Saıra Jıenbaevanyń aıtýynsha, bul iske oqytýshylardyń ózderi yntaly bolyp, bastama tanytqan.

«Almatydaǵy karantın rejıminiń kúsheıýine baılanysty oblys aýmaǵynda turatyn medısınalyq qyzmetkerlerdiń qalaǵa kirip-shyǵýyna shekteý qoıylmaq. Málimetterge súıener bolsaq, olardyń basym bóligi kishi medısınalyq personaldar men medbıkeler. Aq halattylardyń qalypty jumys isteýine qolaıly jaǵdaı jasaý maqsatymen osyndaı iske uıytqy bolýdy uıǵardyq. Bul shara - ýnıversıtet oqytýshylarynyń elimizde qalyptasyp otyrǵan jaǵdaıǵa beıjaı qaraı almaıtynyn kórsetedi» deıdi S. Jıenbaeva.

Qazirgi kúnde 400-ge jýyq tósek-oryn daıyndalǵan. Sonymen qatar árbir bólmede arnaıy dezıfeksııalyq jumystar da júrgizildi. Aldaǵy kúnderi oǵan densaýlyq saqtaý salasynyń qyzmetkerleri ornalasa bastamaq.

«Osy oraıda aıta keteıin, Qazaqstan Prezıdenti Qasym-Jomart Toqaev 16 naýryz kúni el halqyna úndeý joldady. Memleket basshysy óz úndeýinde búkil halyqty judyryqtaı jumylýǵa shaqyryp, qalyptasqan kúrdeli jaǵdaıdy otandastarymyzben birge eńseretinimizge senim bildirgen bolatyn. Barshańyzǵa belgili, búginde elimizde "Biz birgemiz!" jalpyulttyq aksııasy ótýde. Oǵan eljandy azamattardyń barlyǵy da ózindik úlesterin qosýda. Azamattyǵymyz ben eldigimiz synalar sátte qolǵa alynǵan osynaý ıgilikti is parasat pen taǵylym ordasy Qazaq ulttyq qyzdar pedagogıkalyq ýnıversıtetinde osylaı jalǵasyn tapty» dep atap ótti oqý ornynyń baspasóz qyzmetiniń jetekshisi Jandar Asan.

 

 

 

 

 

 

 

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar