Aımaqtar • 25 Naýryz, 2020

Mańǵystaý: Erekshe qorǵalatyn tabıǵı aımaqtar jiti qadaǵalanýda

59 retkórsetildi

Qazir Mańǵystaý oblysyndaǵy 12 erekshe qorǵalatyn tabıǵı aýmaqtardyń aýdany 2,8 mln gektardy quraıdy. Onyń ishinde 2012 jáne 2015 jyldary oblys ákimdiginiń qaýlylarymen jergilikti mańyzy bar Erekshe qorǵalatyn tabıǵı aýmaqtar (EQTA) qurylǵan. Bul týraly Mańǵystaý oblysynyń Tabıǵı resýrstar jáne tabıǵat paıdalanýdy retteý basqarmasy baspasóz qyzmeti habarlady.

Qazir olardyń sany - jeteý, jalpy aýdany 1 046 746 ga, uzyndyǵy 800 shaqyrymdaı, Túrikpen shekarasynan – Atyraý oblysynyń shekarasyna deıin sozylyp jatqan Ústirt qyratynyń shyńdaryn jáne Bozashy túbeginiń shyǵysyn qamtıdy. 

Olardyń altaýy - zańdy mártebesi joq keshendi qaýmaldar bolsa, bireýi – zańdy tulǵa - «Qyzylsaı» memlekettik óńirlik tabıǵı parki» kommýnaldyq memlekettik mekemesi. Sondyqtan alty qaýmal «Qyzylsaı» memlekettik óńirlik tabıǵı parkine» bekitilgen. Qazir janýarlar dúnıesin jáne tabıǵı ortany qorǵaýǵa barlyq sharalar alynyp jatyr.

Erekshe qorǵalatyn tabıǵı aýmaqtar oblystaǵy barlyq aýdandyq Ishki ister bólimderimen, oblystyq tabıǵat qorǵaý polısııasymen, Mańǵystaý aýdandyq tótenshe jaǵdaılar bólimimen birlesken jumys josparly uıymdastyrylyp keledi. Kordondarda mekeme qyzmetkerleri vahtalyq ádispen jumys jasaıdy.

«Qyzylsaı» memlekettik óńirlik tabıǵı parki» kommýnaldyq memlekettik mekemesi aýdandyq Ishki ister basqarmalarymen, «Ohotzooprom» batys fılıalymen birlese otyryp, oblystyq tabıǵat qorǵaý polısııasymen 2019 jyly 557 reıd, onyń ishinde birlesken 51 reıdtik sharalarǵa belsendi qatysqan bolatyn.

Kúsheıtilgen kúzet jumystarynyń nátıjesinde jabaıy janýarlar ósip keledi. Mysaly 2017 jyly QR aýyl sharýashylyǵy mınıstrliginiń Ormandar men jaýarlar dúnıesin qorǵaý komıtetiniń «Ohotzooprom» О́B» Respýblıkalyq memlekettik qazynalyq kásiporny júrgizgen avıasanaq kezinde erekshe qorǵalatyn jergilikti aımaqtardan 1509 astam arqar anyqtalsa, 2018 jylǵy boıynsha júrgizgen avıasanaq kezinde Kıik, Ústirt arqary, Qaraquıryq jáne basqa da jabaıy ańdardyń sany kóbeıgenin kórsetti. Atap aıtqanda 3700 kıik, 1523 Ústirt arqary, 1000 Qaraquıryq anyqtaldy. 2019 jyly avıasanaq kezinde Qyzyl kitapqa engen ańdardyń ósimi anyqtaldy, atap aıtqanda 2041 Ústirt arqary, 341 qaraquıryq jáne t.b.

Sondaı-aq, «Qyzylsaı» tabıǵı parkiniń, «Adamtas», «Jabaıushqan» qaýmaldarynyń kardondaryna qýattylyǵy 1-2 kVt/saǵattyq kún batareıalary men jel generatorlary ornatyldy.

2019 jylǵy tamyz aıynda «Teńizshevroıl» JShS tarapynan jurtshylyqpen baılanysty nyǵaıtyp, halyqtyń áleýmettik jaǵdaıyna asa kóńil bólinip, basqarmaǵa qarasty «Qyzylsaı» mekemesine arnaıy 7 vagon-úıler, 22 fototuzaqtar men 2 dron syıǵa tartylyp, kúnniń ystyǵy men sýyǵynda qyzmet etýlerine jaǵdaılar jasaldy. Tabıǵat qorǵaýshylar baılanys quraldarymen, 29 avtokólikpen, onyń bireýi órt sóndiretin avtokóligimen qamtamasyz etilgen.

«Qyzylsaı» memlekettik óńirlik tabıǵı parki» kommýnaldyq memlekettik mekemesine qarasty qaýmaldar aýmaǵyna «Týrıstik ekskýrsııalyq soqpaǵynyń marshrýttarynyń pasporttary» jasaqtalyp, QR Aýyl sharýashylyǵy mınıstrligi Orman sharýashylyǵy jáne janýarlar dúnıesi Komıtetiniń buıryǵymen bekitildi. Atap aıtqanda Shetpe-Tasorpa, Aqsý-Temirbaba, Beıneý-Eset, Josaly-Bozjyra, Manashy-О́rmeli, Beıneý-Kóleńkeli, Qyzylsaı-Tuzbaıyr marshrýttary boıynsha týrısterdi tabıǵatpen tanystyrý bolyp tabylady. Sondaı-aq, jergilikti mańyzy bar erekshe qorǵalatyn tabıǵı aýmaqtardy paıdalanǵany úshin tólemaqy mólsherlemeleri (tarıfi) jasaqtalýda.

 

 

Mańǵystaý oblysy

                          

 

 

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar