Qazaqstan • 25 Naýryz, 2020

Byltyr Aqtaý teńiz porty arqyly 2 mln 100 myń tonna munaı jóneltildi

25 retkórsetildi

Búginde Transkaspıı halyqaralyq kólik baǵyty boıynsha qazaqstandyq teńiz porttary arqyly qosymsha júk aǵynyn tartý baǵytynda júrgizilip jatqan jumystar barynsha mańyzdy.

Qazirgi tańdaǵy kórsetkish 3900 konteınerdi qurap otyr. Endi jylyna 15 myńǵa deıin jetkizý kún tártibine qoıylǵan.

2019 jyldyń sáýir aıynda «Qazaqstan temir joly» ulttyq kompanııasynyń «Qazaq teńiz kólik floty» seriktestigimen birlese Aqtaý halyqaralyq teńiz saýda portynan Ázerbaıjan Respýblıkasynyń bas qalasy Bakýge jáne keri baǵytta ár apta saıyn jóneltip turatyn turaqty fıderlik jelini iske qosqany málim. Atalǵan joba Qazaqstan úshin Transkaspıı halyqaralyq kólik baǵyty boıynsha ósim faktorlarynyń biri deýge bolady. Qazirgi ýaqytta Aqtaý-Baký arasynda konteınerlik júk aǵyny toqtaýsyz júrip jatyr.

О́tken jyldyń jeltoqsan aıynda Kaspıı teńizimen shektesetin kórshi memleketke júk tasymaly kóleminiń artýyna baılanysty «Túrkistan» qurǵaq júk tasýshy kemesi men «Beket ata» sý kóligi de osy jelige qosyldy.

- Transkaspıı halyqaralyq kólik baǵyty degenimiz, bul - teńiz porttary arqyly júkterdi birneshe ret aýdaryp tıeýdi talap etetin aıryqsha mýltımodaldy baǵyt. Jahandyq Transkaspıı konsorsıýmynyń úılestirýshisi retinde bizdiń tarapymyzdan tranzıttik jáne syrtqy saýda júkterin tartý baǵytyndaǵy jumystar toqtaýsyz júrgizilip keledi, - deıdi «KTZ Express» AQ Transkaspıı halyqaralyq kólik baǵyty jáne mýltımodaldy tasymaldardy satý departamentiniń dırektory Abylaıhan Esirkep.

Quzyrly oryndardyń aıtýy boıynsha, Transkaspıı halyqaralyq kólik baǵytyna qazaq eli tarapynan qatysýshylarynyń jaqsy úılestirilgen jumysynyń nátıjesi aıqyn kórinip keledi. Mysaly, 2018 jylmen salystyrǵanda byltyr teńiz aılaqtary arqyly konteınerlik júk tasymalynyń kólemi 79 paıyzǵa ósken. Osyny óz kezeginde rekordtyq kórsetkish dep aıtýǵa tolyqtaı negiz bar.

Bul turǵydan qazaq memleketiniń aýmaǵy arqyly ótetin Transkaspıı halyqaralyq kólik baǵyty, TRASEKA jáne soltústik-ońtústik jahandyq kólik dáliziniń mańyzdy quramdas bóligi retinde «Aqtaý teńiz soltústik termınaly» seriktestiginiń orny bólek dep aıtýǵa bolady. Búginde Aqtaý teńiz soltústik termınalynan júkterdi ótkizip tasymaldaý negizinen Iran Islam Respýblıkasy, Reseı Federasııasy men Ázirbaıjan eliniń teńiz porttaryna baǵyttalǵan. 

- Júkterdi aýdaryp qaıta tıeý boıynsha termınaldyń jyldyq qýaty 3 mln tonnany quraıdy. Olardy bas júkter men astyq dep bóletin bolsaq, árqaısyna 1,5 tonnadan keledi. Al konteınerlerdi aýystyryp tıeý boıynsha termınaldyń ınfraqurylymdyq múmkindigi jylyna 20 fýttyq balamamen 70 myńnan astam konteınerdi quraıdy. О́z kezeginde bir mezette 6 myń dana konteınerdi saqtaý múmkindigi jáne bar, - deıdi «Aqtaý teńiz soltústik termınaly» JShS bas dırektorynyń orynbasary Nurlan Tóleýǵalıev.

Elimizdiń ekinshi teńiz aılaǵy sanalatyn Quryq paromdyq kesheniniń de transqazaqstandyq tranzıtti damytýda roli joǵary.Atalǵan teńiz porty paıdalanýǵa berilgen kezeńnen beri onyń qyzmetkerleri 1394 kemeni qabyldap, 4 jarym mln tonnaǵa jýyq júkterdi aýystyryp tıegen.

- Byltyr bir mln 400 myńǵa tarta ártúrli júkti aýystyrylyp, qaıta ótkizildi. Onyń 853 myń tonnasy ımport, qalyp turǵan 512 myń tonnasy eksporttyq baǵyttaǵy júkter. Qazirgi ýaqytta Quryq port kesheni arqyly syrt memleketterge qazaqstandyq astyq pen kómir, munaı jáne hımııa ónimderi, tyńaıtqyshtar jóneltilip keledi, - deıdi «Quryq porty» jaýapkershiligi shekteýli seriktestigi bas dırektorynyń orynbasary Talǵat Ospanov.

Aqtaý teńiz porty arqyly byltyr 2 mln 100 myń tonna munaı jóneltilgen, sondaı-aq, 800 myń tonna astyq Iran Islam Respýblıkasyna, 50 myń tonnaǵa jýyq túrli-tústi metall Ázerbaıjan men Grýzııaǵa eksporttalǵan.

 

Mańǵystaý oblysy

                          

 

 

 

 

 

 

 

Sońǵy jańalyqtar

D dárýmeni ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Kásipkerler tilegi eskerildi

Qoǵam • Búgin, 11:11

Uqsas jańalyqtar