Aımaqtar • 25 Naýryz, 2020

Tarazda 4000-ǵa jýyq medısınalyq maska tegin taratylyp jatyr

95 retkórsetildi

Koronavırýs indetiniń aldyn alýǵa baılanysty Taraz qalalyq ákimdiginiń bastamasymen 4000-ǵa jýyq medısınalyq maska tigilip, olar kópbalaly jáne áleýmettik jaǵdaıy tómen otbasylarǵa tegin taratyldy. Bul rette qalalyq birqatar mekeme men qala turǵyndary da jalǵyzbasty qarttarǵa azyq-túlik jetkizip berse, keıbir azamattar turǵyndarǵa medısınalyq maskalar men zalalsyzdandyrýǵa arnalǵan túrli quraldardy tegin taratyp, kómek qolyn sozýda.

Taraz qalasyndaǵy «Altyn-aı» tigin atelesi merekelik demalystarǵa qaramastan medısınalyq maskalar tigip, ony turǵyndarǵa tegin taratýdy bastady. Tarazdaǵy kez-kelgen turǵyn tańerteńnen keshke deıin jumys istep otyrǵan sheberhanaǵa kelip, medısınalyq maskalardy tegin ala alady. Atalǵan sheberhana basshylyǵynyń da maqsaty – kópbalaly jáne az qamtylǵan otbasy múshelerine kómektesý eken.

«Búginde bes tiginshi kúnine 1000-ǵa jýyq medısınalyq maska tigýde. Jalpy, bizdiń atele 2004 jyldan beri jumys istep keledi. Qyz-kelinshektermen birge osyndaı qıyn kezde úıde otyrmaı, qoldan kelgenshe dárihanalarda joq medısınalyq maskalardy birge tigeıik dep sheshtik» deıdi «Altyn-aı» tigin sheberhanasynyń basshysy Altynaı Bekenova.

Tiginshilerge qajetti matalar men quraldar Taraz qalasy ákimdiginiń tarapynan alynyp berilgen. «Aqjúnis» analar qoǵamynyń jetekshisi Janat Estaeva osyndaı jaýapkershiligi mol jumysty bastaǵan «Altyn-aı» tigin sheberhanasyna óziniń alǵysyn bildirdi. Atalǵan tigin atelesi búginde 4000-nan astam medısınalyq maskany tigip, «Aqjúnis» qoǵamyna tapsyrypty. Al atalǵan uıym bul zattardy tıisti mekenjaılarǵa taratyp jatyr eken. Bir aıta keterligi, tiginshi qyz-kelinshekter medısınalyq maskalardy aqysyz tigýde.

Búginde «Altyn-aı» tigin atelesi tikken maskalardy alýshylardyń qatary kóp.

«Biz úıden shyǵyp jatqan joqpyz. Bir balam Almaty qalasynda. Búginde qaladaǵy eshbir dárihanadan medısınalyq maska tappadyq. Kórsetip jatqan jaqsylyqtaryńyzǵa myń alǵys. Eń bastysy – elimiz aman, jurtymyz tynysh bolsyn» deıdi jeti balanyń anasy Kúnsulý Kúzenbaeva.

Bul bastama aldaǵy ýaqyttarda da jalǵasyn tabatyn bolady.

 

Jambyl oblysy

 

   

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Uqsas jańalyqtar