Aımaqtar • 25 Naýryz, 2020

Taldyqorǵanǵa kirip-shyqqan 46 128 adam tekserýden ótti

31 retkórsetildi

Almaty oblysy aýmaǵynda 1 turǵynnan koronavırýs belgisi anyqtalǵan bolatyn. Qazir Qaskeleń qalasyndaǵy juqpaly aýrýlar emhanasynda oqshaýlanǵan naýqastyń jaǵdaıy turaqty. Onymen baılanysta bolǵan 11 adam da dárigerdiń baqylaýynda.

Búginde oblys aýmaǵynda indetpen kúres jumysy kúsheıtilgen. Almaty qalasymen shekaralas aýdandarǵa kiretin joldarda qosymsha ótkizý baqylaý beketeri qoıyldy. Osyndaı saqtyq sharalary oblys ortalyǵy Taldyqorǵan qalasynyń aýmaǵyna da qolǵa alyndy. Qalaǵa kiretin 4 baǵyttaǵy jol boıynda sanıtarlyq baqylaý beketteri jumys isteýde. Búginge deıin qalaǵa kirgen 18340 avtokólik tekserýden ótken. Al oblys ortalyǵyna 46 128 adam kirip-shyqqan eken.

Sanıtarlyq baqylaý beketterinde medısına qyzmetkerleri jolaýshylardyń dene qyzýyn tekserýde. Arnaıy qurylyǵy adam boıyndaǵy qalypty temperatýranyń joǵarylaǵanyn kórsetse, jolaýshyǵa beketten ótýge tıym salynady. Kesheden beri tekserýden ótken adamdardyń arasynan dene qyzýy anyqtalǵan  27 jolaýshy keri qaıtarylyp, olarǵa tirkelgen meken jaıy boıynsha dárigerge qaralýǵa keńes berilipti.

- Oblys aýmaǵynda indet belgisi tabylǵandyqtan, baqylaý sharasy kúsheıtildi. Qazir Almaty qalasynan oblysqa shyǵatyn joldar jobyldy, oblys tarapynan da qosymsha sanıtarlyq baqylaý beketteri qoıylǵan. Oblys ortalyǵyna kireberiske de 4 jerden sanıtarlyq beket qoıyldy. Taldyqorǵan qalasy boıynsha indet juqtyrý deregi tirkelgen joq, - deıdi oblys ákiminiń baspasóz hatshysy Ǵalymurat Júkel.

 

 

Almaty oblysy

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar