Aımaqtar • 26 Naýryz, 2020

Elgezek Ernar men aq nıetti Aıjan

41 retkórsetildi

Ústimizdegi jyldyń basynan bastap Shortandy aýdanynda gazvolonteer.kz saıtynda tirkelgen «Senim» volonterler ortalyǵy jumys isteıdi. Daqpyrty men dańǵazasy kóp ashylý saltanaty ótkizilmegen, tóńiregine jasalǵan qamqorlyqtaryn kóp aıtyp jarnamalap ta jatqan joq. Bir aıta keterligi, bul ortalyq «Volonter jyly» jarııa etilerdiń aldynda qurylǵan.

Aýdandyq aımaqtyq jastar ortaly­ǵy­nyń jetekshisi Ińkárim Qabylhannyń aıtýyna qaraǵanda, peıili keń, júregi jomart, janashyr jandardyń basyn qosyp otyrǵan jalǵyz maqsat – jal­ǵyzbasty jandarǵa qamqorlyq kór­setý. Sóıtip taǵdyr tálkisine túsken adam­dar­dyń júre­gin ózde­ri­niń izgi de izetti, para­satty is-qı­myl­dary­men jibitý, ár kóńil­de senim uıa­latý. Biz­diń qoǵamda meıi­rim­diliktiń mol eke­n­in, qajet kezinde eshkim­niń de qam­­qor­lyqsyz qal­maıtynyn uqtyrý.

Ortalyqta jalpy otyzǵa jýyq adam bar. Olardyń basym bóligi stýdentter men joǵary synyp oqýshylary. Jumys­shy jastar azdaý.

– Biz endi osy baǵytta da jumys isteýi­miz kerek, – deıdi Ińkárim Qabyl­han, – qurysh qoldy jumysshy jastar­dyń ózge za­man­dastarymen birge zamana talabyna oraı qozǵalystyń bel or­ta­synda júrgeni jaqsy ǵoı. Al orta­lyqtyń negizgi baǵy­ty aýdandaǵy volon­terler qozǵalysy­nyń aldyńǵy leginen tabylyp, egde, jalǵyz­basty, kóp ­balaly otbasylaryna kómek qolyn usyný. Sondaı-aq el nazaryn aýdarý úshin qyz­ǵylyqty is-sharalardy ót­kizýdi de oılas­tyrýda. Jalǵyz qol kúshin qajet etetin isti ǵana tyndyrmaı, rýhanı demeý bolatyn mazmundy dúnıe­ler­diń máni­men zamandastardyń kóki­re­gi­ne jar­q­yn sáýle quısaq, – deıdi.

Bıylǵy qys qatal boldy. Aıazynan buryn qary qalyń. Tipten eriktilerdiń erik-jigerin tarazy basyna tartpaq bol­ǵandaı. Qaıyrymdy jandar Sho­r­tandy aýylyndaǵy kóptegen kósheniń, kúrek ustaýǵa shamasy joq jandardyń aýlalaryn tazalap shyqty. Kómir úıdi, otyn jardy, sý tasydy.

Volonterlerdiń biri – Shortandy №3 orta mektebiniń 10 synyp oqýshysy Erkin Jarqynbekov. Ernardyń aıtýyna qaraǵanda, «Senim» ortalyǵy týraly habar qulaǵyna tıisimen birden jetken. О́ıtkeni, kóńili qalaıtyn, júre­gine jaqyn sharýa eken. Otbasynda da qaıy­rymdylyq qaǵıdattary týraly es bilgeli aıtylyp keledi.

– Mundaı jan jadyratar janashyr­lyq sharalary bir mezettik nemese bir jyl­dyq bolmaýy kerek, – deıdi Erkin Jar­qynbekov. Mysaly, men buryn bóg­de, egde adamdarǵa kómek berýge qym­sy­na­tyn edim. Bir túrli uıat tárizdi bolyp kóringen. Meniń aq adal peıilimdi du­rys uqpaı qala ma dep oılaıtynmyn. Son­dyq­tan bastama kóterilgen kezde kókeıim­de júrgen kórikti oı óz arnasyn tapty. Úlkenderdiń aıtýyna qaraǵanda, batadan baǵaly eshteńe joq. Halqymyzda «bataly qul arymas» degen ádemi sóz bar ǵoı.

Elgezek Ernar mektepti bitirgen soń da jalǵyzbasty jandarǵa kómektese bermek. Osy qasıetten boıymda kúsh-qýat barda arylmaımyn deıdi. Onyń synyptasy Aıjan Qoılybaı Ernarǵa qaraǵan­da volonterler qozǵalysy týraly sál erterek estipti. Aıjan óz qur­by­­lary­nyń bo­­ıynda ózgege degen jana­shyrlyq qasıettiń kóptigine qýanady. Onyń oıynsha, jas tolqyn jaqsylyq jasaý­ǵa yntyq bolsa, ózderi de peıili keń, kóńili taza adam bolyp qalyptaspaq.

Bizdi bir qýantqany, jastar kádimgi ómir kórgen, tájirıbe jınaqtaǵan egde adam­­­dar tárizdi paıymdaıdy eken. Zaıy­ry jaq­sylyq jasaý jasqa qara­maıdy eken ǵoı. Eń bastysy bilim oshaǵynda elgezek Ernar men aq nıetti Aıjan tárizdi oqýshylar kóp.

Ortalyq jetekshisi Ińkárim Qabyl­hannyń basshylyǵymen jyl ishinde at­qarylatyn jospar túzilipti. Árıne qatyp qalǵan nárse emes. Qajettiligine oraı tolyqtyrylyp, baıytylyp otyr­maq. Qatary kúnnen-kúnge ósip kele jat­qan janashyr jastardyń boıyndaǵy jaq­sy­lyqtyń jalyny jan dúnıeńe jarqyn sáýle túsiredi.

 

Aqmola oblysy,

Shortandy aýdany

 

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar