Aımaqtar • 26 Naýryz, 2020

Batys Qazaqstanda 120 eldi mekende ınternet nashar

25 retkórsetildi

Tótenshe jaǵdaı kezinde bastalǵaly otyrǵan úshinshi toqsan qalaı ótedi? Oqýshylardy qashyqtan oqytýdyń barlyq máselesi sheshilgen be? Batys Qazaqstan oblystyq Bilim basqarmasynyń basshysy Aıymgúl Tirjanova aldaǵy oqý toqsany týraly saýaldarǵa jaýap berdi.

Elimizde koronavırýs indetine baılanysty qatań sanıtarlyq-dezınfeksıalyq rejım engizilýine oraı 13 naýryzdan bastap bilim mekemelerinde mádenı-sporttyq sharalardy ótkizý toqtatyldy. Mektepterde oqýshylary 16 naýryz ben 5 sáýir aralyǵynda kóktemgi kanıkýlǵa shyqty. 16 naýryzdan bastap kásiptik jáne tehnıkalyq bilim berý uıymdary qashyqtan oqytýǵa kóshirildi. Mektepke deıingi uıymdar shtattyq rejımde jumys istegenimen, ata-analarǵa múmkindik bolsa balalaryn balabaqshaǵa ákelmeý usynyldy.

- Bilim berý uıymdary qyzmetkerleri qazir qashyqtan jumys istep jatyr, olardyń jalaqysy tolyqtaı saqtalady, - dedi Aıymgúl Tirjanova.

Tótenshe jaǵdaı merzimi uzartylý yqtımal bolǵandyqtan, elimizdiń Bilim jáne ǵylym mınıstrligi qashyqtan oqytý boıynsha arnaıy jumys tobyn qurǵan edi. Onyń quramyna qashyqtan bilim berý salasynda jumys isteıtin «Bilimland», «DDaryn.online», «Kúndelik», «Univer», «Platonus», «EduPage», BIL, «BTS education», «U-study» jáne «AGS» sııaqty  uıymdardyń ókilderi jáne pedagogter, ádiskerler, mektep dırektorlary, dırektorlardyń oqý isi jónindegi orynbasarlary jáne joǵary oqý oryndarynyń prorektorlary engen.

Bilim jáne ǵylym mınıstrligimen oqýshylar men muǵalimder úshin  paıdalanylatyn bilim resýrstary usynylýda. Bul resýrstar tegin.

- Oqýshylardy qashyqtan oqytý daıyndyǵy boıynsha jumys birneshe baǵytta júrip jatyr. Mysaly, tapsyrma berý, olardyń oryndalýyn tekserý, baǵalaý jáne keri baılanysty qamtamasyz etetin aqparattyq júıelerdi engizý qarastyrylady. Bilim alýshylar beıne-sabaqtarǵa qatysyp, tapsyrmalar alyp, qajet bolǵan jaǵdaıda pedagogterdiń óz synybymen onlaın-talqylaý, baǵalaý boıynsha nemese vıdeostrımıng servısterin paıdalana alýyn qamtamasyz etetin júıelerdi iske qosý da kózdelgen, - deıdi Bilim basqarmasynyń basshysy.

Qazaqstan Respýblıkasy Bilim jáne ǵylym mınıstrliginiń tapsyrysyna sáıkes sabaqtar «Balapan» (qazaq tilinde) jáne «Elarna» (orys tilinde) telearnalarynan kórsetiledi eken.

Qazirgi tańda barlyq aýdandyq jáne qalalyq bilim berý bólimderi oqýshylar men pedagogterdiń úı jaǵdaıynda ınternetke qosylý múmkindigin, otbasyndaǵy oqýshy men kompıýter, noýtbýk, smartfon sııaqty quraldardyń sanyn jınaqtap jatyr.

- Batys Qazaqstan oblysynda 120 eldi mekende ınternet jyldamdyǵy tómendigine baılanysty sabaq júrgizýde qıyndyq týyndaýy múmkin. Bul máseleni oblys deńgeıinde sheshý joldary qarastyrylýda. Mundaı jaǵdaıda aýyl mektepteriniń muǵalimderi balalarǵa qaǵaz túrinde tapsyrma berip, jaýapty qaǵaz túrinde alady. Biraq oqýshylardy mektepke jınamaımyz, - deıdi Aıymgúl Tirjanova.

Bilim basqarmasy basshysynyń aıtýynsha, oblystyń bilim salasyna bólingen bıýdjet qarjysy qaıta qaralyp, únemdelgen qarjyǵa kompıýter, planshetter alý, olardy muqtaj muǵalimderge jáne az qamtylǵan otbasylarǵa berý máselesi de qarastyrylyp jatyr eken. Úıden oqıtyn balalaryn, ásirese, bastaýysh synyp oqýshylaryn qadaǵalaý úshin olardyń ata-analaryna kezekti eńbek demalysyn berý týraly jumys berýshilerge usynys aıtylǵan.

Batys Qazaqstan oblysynda tehnıkalyq jáne kásibı bilim berý salasyndaǵy 33 kolledjdiń 12 myń stýdenti naýryzdyń 16-synan beri dıstansııalyq bilim berýge kóship ketti. Taǵy 4 myńdaı stýdent óndiristik tájirıbeden ótýde.

Aıta keteıik, oblys aýmaǵynda 107 myńnan asa oqýshy bilim alatyn 388 mektep bar, olardyń 58,8%-y, ıaǵnı 223-i – shaǵyn komplektili kúndizgi mektep.

 

Batys Qazaqstan

 

foto yapfiles.ru

Sońǵy jańalyqtar

Kásipkerler tilegi eskerildi

Qoǵam • Búgin, 11:11

Qarttar úıindegi qasiret

Aımaqtar • Búgin, 10:49

.Daǵdarys daýylyna tosqaýyl - J. Nurabaev

Ekonomıka • Búgin, 10:45

Fýtbol: Para aldy dep aıyptalýda

Sport • Búgin, 09:38

Úkimet otyrysy ótip jatyr

Úkimet • Búgin, 09:20

Kómek alý ońtaılandyrylady

Saıasat • Búgin, 08:25

Infeksııanyń taralý qarqyny tómendedi

Koronavırýs • Búgin, 08:05

Senimge serpin bergen málimdeme

Qoǵam • Búgin, 08:02

Alǵashqy vırtýaldy sot otyrysy

Saıasat • Búgin, 08:00

Ár azamat atsalysýy tıis

Rýhanııat • Búgin, 08:00

Koreıadan kelgen qyz

Rýhanııat • Búgin, 07:50

Irkilis bolmaıdy

Aımaqtar • Búgin, 07:45

Balalarymdy saǵynsam da...

Medısına • Búgin, 07:45

Qaýipti indetpen qalaı kúresýde?

Aımaqtar • Búgin, 07:45

Jemqorlyqpen kúres jalǵasyn tabýda

Saıasat • Búgin, 07:40

Apatpen oınamaıyq, oılanaıyq aǵaıyn...

Rýhanııat • Búgin, 07:40

Jeńildetilgen nesıe jetken joq

Ekonomıka • Búgin, 07:38

Kıdim kamzol

Rýhanııat • Búgin, 07:35

Daǵdarys daýylyna tosqaýyl

Ekonomıka • Búgin, 07:35

Fermerler ýaqytpen sanaspaıdy

Saıasat • Búgin, 07:35

Tótenshe toqsan

Qoǵam • Búgin, 07:30

El ekonomıkasy eleýsiz qalmaıdy

Saıasat • Búgin, 07:30

Sý tasqyny bastaldy

Aımaqtar • Búgin, 07:28

Jumys isteý úshin qajetti jabdyqtar

Aımaqtar • Búgin, 07:27

Halyqtyń birtutastyǵy

Tanym • Búgin, 07:16

Pálsapa – Bekzat sana

Rýhanııat • Búgin, 07:15

Daladaǵy dúbirge daıyn

Aımaqtar • Búgin, 07:15

Baǵany turaqtandyrýda oń nátıje bar

Ekonomıka • Búgin, 07:13

Uqsas jańalyqtar