Aımaqtar • 26 Naýryz, 2020

Mańǵystaýlyqtar memlekettik qyzmetterdi onlaın alýda

19 retkórsetildi

Koronavırýs ınfeksııasynyń taralýyn boldyrmaý sharalaryn kúsheıtý maqsatynda Halyqqa qyzmet kórsetý ortalyqtarynyń jumysy ýaqytsha toqtatyldy. Mańǵystaýlyqtar memlekettik qyzmetterdi tek onlaın alatyn bolady. Bul týraly MO qoǵamdyq kommýnıkasııa ortalyǵynda ótken brıfıngte «Azamattarǵa arnalǵan úkimet» memlekettik koroporasııasynyń MO boıynsha dırektory Baıjigit Erbol Berdibaıuly aıtty.

Qazaqstandyqtarǵa búgingi tańda memlekettik qyzmetterdiń 80%-y elektrondyq úkimet portaly arqyly qoljetimdi, sondaı-aq qajetti anyqtamalardy eGov Mobile mobıldi qosymshasy jáne telegramdaǵy egovkzbot2.0 boty arqyly alýǵa bolady.

HQO-nyń eń tájirıbeli degen jáne arnaıy oqýdan ótken 1800-den astam qyzmetkeri 1414 baılanys ortalyǵynyń keńes berýshilerimen birge azamattarǵa memlekettik qyzmetterdi onlaın túrde alý boıynsha kómek kórsetetin bolady.

Bir ýaqytta baılanys ortalyǵynyń mamandary myńnan astam azamatqa keńes bere alady dep josparlanýda. Baılanys ortalyqtary dúısenbiden senbige deıin tańǵy 9.00-den keshki 20.00-ge deıin jumys isteıdi. Qońyraý shalý tegin.Budan bólek, Azamattarǵa arnalǵan úkimettiń 200-den astam qyzmetkeri beıneqońyraý arqyly qyzmet alýshylardy mobıldi azamattar bazasynda tirkeıtin bolady.

Bul rette, 21 naýryzǵa deıin ótinish berip úlgergen azamattar qyzmetterdiń daıyn nátıjesin ózi ótinish bergen HQO-nyń qujat berý sektorynan alyp kete alady. Avtomobıldi qaıta tirkegen nemese júrgizýshi kýáligin onlaın túrde aýystyrǵan avtokólik ıeleri daıyn qujattar men nómirlerdi óz qalalaryndaǵy mamandandyrylǵan HQO-dan ala alady, onda da daıyn qujattardy berý terezesi jumys isteıtin bolady.

«Azamattarǵa arnalǵan úkimet» memlekettik koroporasııasynyń MO boıynsha dırektory E. Baıjigit brıfıngte mańǵystaýlyqtarǵa barlyq sanıtarlyq talaptardy oryndap, úıden shyqpaýǵa keńes berdi jáne kerekti memlekettik qyzmetterdi onlaın alýǵa shaqyrdy.

 

Mańǵystaý oblysy                  

Sońǵy jańalyqtar

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar