Qazaqstan, jappaı qyryp-joıý qarýyn qysqartý men taratpaý isine sheshýshi úles qosqan memleket retinde, Sırııada hımııalyq qarý qoldandy degen kúdikti habarlamaǵa baılanysty óziniń tereń alańdaýshylyǵyn bildiredi. Osy aqparat rastalǵan jaǵdaıda, bul adamzatqa qarsy jasalǵan qylmys retinde qaralýy tıis.
Biz Sırııa Úkimetin sol elde hımııalyq qarýdy qoldanǵany týraly habarlamany tekserý úshin jumys jasap jatqan BUU sarapshylar tobyna tolyǵymen qoldaý kórsetip, olardyń qaýipsizdigin qamtamasyz etýge shaqyramyz. Kináli tulǵalardy anyqtap, osyndaı jaǵdaı bolashaqta qaıtalanbaý maqsatynda jáne adam qazasyna jol bermeý úshin barynsha shara qabyldaý qajet dep sanaımyz.
Qazaqstan halyqaralyq qaýymdastyqty tózimdilikke, al bul jaǵdaıdy baǵalaý barysynda BUU sarapshylarynyń sońǵy qorytyndysyn basshylyqqa alýǵa shaqyrady.
Bútindeı alǵanda, Sırııadaǵy sozylmaly jáne qantógisti qaqtyǵystyń shekten tys keıipke engenin jáne tez arada sheshýdi talap etetinin atap ótemiz. Oryn alǵan jaǵdaı halyqaralyq qaýymdastyqtyń kúsh-jigerin biriktirý jáne Sırııadaǵy kúsh kórsetýlerdi toqtatý maqsatynda teńdestirilgen kózqarastyń qajettigin alǵa tartady.
