«Karantın rejiminiń kúsheıtilýine qaramastan, keıbir azamattar qoǵamdyq tártipti buzyp, kóshede júrgen. Úsh kúnniń ishinde, ıaǵnı 28-30 naýryz kezeńinde polısııaǵa 307 adam jetkizildi. Olarǵa qatysty ákimshilik jaza qabyldandy. Sonymen qatar, eki myńnan astam profılaktıkalyq túsindirý sharalary júrgizildi», - dedi Nur-Sultan qalasy Polısııa departamentiniń basshysy E. Sádenov.
Departament basshysynyń aıtýynsha, búginge deıin 202 adamǵa aıyppul salyndy.
«22 naýryzdan bastap tótenshe jaǵdaı rejimin buzǵany úshin 369 adam ákimshilik jaýapkershilikke tartyldy, onyń ishinde 86-sy qamaýǵa alyndy, 202 adamǵa aıyppul salyndy. Sonymen qatar, 69 adamǵa eskertý jasalsa, 17 is sotta qaralýda. Blok-beketterinde 98 adam jazaǵa tartyldy, onyń ishinde 80 adam qamaldy, 14 adamǵa aıyppul salyndy, 4 is sotta qaralýda», - dedi E. Sádenov.
