Qazaqstanda koronavırýs ınfeksııasynan ekinshi adam kóz jumdy. 50 jastaǵy naýqas aýrýhanaǵa 21 naýryz kúni jatqyzylǵan. Bir aı boıy aýyryp, medısınalyq kómekke júginbegen. Jumysy jıi issaparǵa shyǵýmen baılanysty bolǵan.
Otbasy músheleri men jumys boıynsha qyzmetkerler qataryndaǵy 31 jaqyn adam aýrýhanaǵa jatqyzyldy. 55 adam úı karantınine jatqyzyldy. Odan ári otbasynyń múshesinde koronavırýstyq ınfeksııa tirkelgen.
«31 naýryzdaǵy jaǵdaı boıynsha aýrýhanada 1 693 adam jatyr, onyń ishindegi 96-sy balalar. Búgingi tańda Nur-Sultan qalasynda 175 koronavırýstyq ınfeksııa oqıǵasy tirkeldi. Stasıonarlyq emdelýde 159 adam, 15 adam saýyǵý nátıjesimen shyǵaryldy. О́kinishke qaraı, búgin bir oqıǵa ólimmen aıaqtaldy», - dedi qalalyq densaýlyq saqtaý basqarmasynyń basshysy Sáýle Qısyqova.
