Qant dıabeti, ınsýlınge táýeldiligi men arterııalyq gıpertenzııasy da naýqastyń jaǵdaıyn aýyrlata túsken.
Ol 22 naýryz kúni reanımasııa jáne qarqyndy terapııa bólimine aýystyrylǵan.
Saraptama qorytyndysy naýqastyń koronavırýs juqtyrǵanyn anyqtaǵan.
Ol koronavırýstyq ınfeksııany dıagnostıkalaý men emdeýdiń klınıkalyq hattamasyna saı em alǵan.
Dárigerler kún saıyn beıindi mamandarmen, onyń ishinde Astana medısına ýnıversıteti kafedralarynyń qyzmetkerlerimen konsılıýmder ótkizgen.
Qabyldaǵan qarqyndy terapııaǵa qaramastan, naýqasta polıorgandyq, ıaǵnı tynys alý, júrek jáne búırek jetispeýshiliginiń belgileri arta túsken.
31 naýryz kúni saǵat 03.30-da naýqastyń júregi toqtaǵan.
Osyǵan deıin Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova elimizde koronavırýstan ekinshi naýqastyń kóz jumǵanyn habarlaǵan edi. Naýqastyń bir aı boıy aýyryp, medısınalyq kómekke júginbegeni belgili bolǵan.
