Qazaqstan • 31 Naýryz, 2020

Ushqyshsyz ushaqtar tótenshe jaǵdaıda barlaý jumystaryn kúsheıtedi

12 retkórsetildi

Tótenshe jaǵdaıdy baqylaý jáne kúsheıtýde ushqyshsyz ushý apparattaryn áskerı qyzmetshiler blok-beketterde qoldana bastady.

Qorǵanys mınıstrliginiń málimetterine súıenetin bolsaq, Qarýly kúshterdiń ushqyshsyz ushý apparattarynyń esepteri áýe barlaýyn júrgizý, tótenshe jaǵdaı rejıminiń buzylýyn anyqtaý jáne oǵan jol bermeý maqsatynda qoldanylady. Olar respýblıka jurtshylyǵynyń blok-beketterdi ruqsatsyz kesip ótýiniń jáne avtokólikterdiń karantındik aımaqqa jáne odan tys jerlerge ótip ketýin boldyrmaýǵa baǵyttalyp otyr.

Tótenshe jaǵdaı jáne karantın rejımin qamtamasyz etý jónindegi is-sharalar sheńberinde Nur-Sultan jáne Almaty qalalaryna kiretin jáne shyǵatyn joldarda blok-beketter ornatylyp,  Qarýly kúshterdiń áskerı qyzmetshileri, polısııa jáne Ulttyq ulan ókilderimen birlesip táýlik boıy kezekshilik atqarýda. 

IIM bólimsheleri blok-beketterden tehnıkalardy tekseristen keıin ótkizedi. Azamattardyń ómiri men densaýlyǵyna qaýip tóndiretin jaǵdaı týyndaǵan kezde kúsheıtý jumystaryna áskerı qyzmetshiler, onyń ishinde áskerı polısııa tájirıbeli qyzmetkerleri tartylǵan.

Búginde qalalarǵa, eldi mekenderge kirýge jáne shyǵýǵa tyıym salynǵanyna qaramastan, blok-beketterdi zańsyz kesip ótýge áreketter oryn alýda.  Tyıym salynǵan aýmaqty kesip ótýdiń tásilderi ártúrli sıpatta. Olardyń ishinde blok-beketterdi aınalyp ótip jatqandar da bar. Ushqyshsyz ushý apparaty áskerıler men polısııa qyzmetkerderine barlyq baǵyttar boıynsha kórý múmkindigine, zań buzýshylyqtardyń aldyn alýǵa, blok-beketterdi baqylaýǵa múmkindik beredi.

Búginde  mańyzdy oqý-jaýyngerlik máseleni sheshýde ushqyshsyz ushý apparattary Qazaqstannyń Qarýly kúshterinde belsendi túrde qoldanylyp keledi. Olar áýedegi barlaý jumystaryn kúndiz-túni júrgizedi. Ushqyshsyz ushatyn apparattar oqý-jattyǵý kezinde ǵana emes, olardyń kómegimen Arystaǵy aýmaqty barlaýdy, ınjenerlik bólimshelerdiń jumysyn qadaǵalaý jáne jarylǵysh zattar tabylǵan jaǵdaıda jedel shtabqa baıandaýda tıimdiligin kórsetti.

Sońǵy jańalyqtar

Jitiqaraǵa jańa reanımobıl berildi

Aımaqtar • Búgin, 19:25

Pavlodarda ekobazar ashyldy

Aımaqtar • Búgin, 17:09

Almatyda keıbir kósheler jabylady. Nege?

Aımaqtar • Búgin, 15:50

Jol qurylysyna monıtorıng júrgizilýde

Aımaqtar • Búgin, 14:45

Uqsas jańalyqtar