«Memlekettik saqtandyrý qorynan 42500 teńgeni kim alady? Ol, birinshiden – jaldamaly qyzmetkerler. Orta, shaǵyn kásiporyndarda aqysyz demalysqa jiberilgen jumysshylar. Karantın jarııalanǵan qalalarda iri kásipkerlik sýbektiler de jatady.
Ekinshisi – jeke tulǵalar, óz betinshe jumyspen qamtylǵandar. Olardyń ishinde jeke kásipkerler bar, bizdiń statıstıkamyz boıynsha 1,5 mılıonnan astam jeke kásipker bar. Jeke praktıkamen aınalysyp júrgen azamattar bar. Olar – jeke advokattar, notarıýstar, sot oryndaýshylary, medıatorlar. 2 myńnan astam osyndaı azamattar bar. Jáne de azamattyq quqyqtyq sıpatta jumys istep júrgender. Elimizde 180 myńdaı frılanserler bar. Biryńǵaı jıyntyq kólemin tólegen azamattar. Elimizde 316 myń adam sońǵy 12 aıda bir ret bolsa da osy biryńǵaı jıyntyq tólemin tólegen», dedi mınıstr Birjan Nurymbetov.
Mınıstrdiń aıtýynsha, járdem aqyny alý úshin ndi eshqandaı qujat tapsyrýdyń qajeti joq. Tek qana ótinish beriledi. Jumys berýshi ótinishine óziniń jumysshylarynyń tizimin qosady. О́tinish berý úshin 42 500 teńgelik tólemdi rásimdeýge arnalǵan saıt ashylady.
