Qazaqstan • 01 Sáýir, 2020

Úkimet basshysyna depýtattyq saýal joldandy

175 retkórsetildi

Búgin Parlament Májilisiniń ekonomıkalyq reforma jáne óńirlik damý komıtetiniń tóraǵasy Nurtaı Sabılıanov «Egemen Qazaqstan» gazetiniń keshegi, ıaǵnı 31 naýryzdaǵy nómirinde jarııalanǵan, jýrnalıst Azamat Qasymnyń «Qashyqtan oqytý qashyqtaǵy aýyldarǵa qıyn tıip tur» maqalasy boıynsha Premer-Mınıstr Asqar Mamınge depýtattyq saýal joldady.

«Qashyqtyqtan bilim alý úshin oqýshylar telekommýnıkasııalyq jelilerge shyǵatyn jabdyqtarmen qamtamasyz etilýi qajet (Internet, spýtnıktik teledıdar). Biraq, elimizdiń 4000-ǵa jýyq aýyldyq eldi mekeni joǵarǵy jyldamdyqty Internetpen qamtamasyz etilmegen. «Qazaqstan Respýblıkasynyń aýyldyq eldi mekenderin talshyqty-optıkalyq baılanys jelileriniń tehnologııasy boıynsha keń jolaqty qoljetimdilikpen qamtamasyz etý» jobasy aıasynda 1250 aýyldyq eldi mekendi Internet baılanysymen qamtamasyz etý áli aıaqtalmaǵan. Keıbir aımaqtarda Internet jyldamdyǵy tómen jáne bul qashyqtyqtan bilim alýǵa kedergi týdyryp otyr (Internetke qosylýdyń uzaqtyǵy, baılanystyń úzilýi jáne t.b.). Onyń ústine, úlken júktemege baılanysty elimizdiń telekommýnıkasııalyq júıesiniń jumysynda kidiris paıda bolýy múmkin. Budan bólek balalardyń qashyqtyqtan oqýyn qamtamasyz etý úshin kóptegen otbasylarynda kompıýter nemese noýtbýk joq. Eki jáne odan da kóp balalary oqıtyn otbasylaryna birneshe kompıýterler nemese noýtbýkter qajet. Alaıda, olardy barlyq ata-analar satyp ala almaıdy. Sonymen qatar, turǵyndardyń barlyǵy qajetti telearnalarǵa qosylmaǵan jáne olarda birneshe teledıdar joq. Sondaı-aq, kóptegen otbasylary balalarynyń qashyqtyqtan bilim alýy úshin jaǵdaı jasalmaǵan jaldamaly páterlerde nemese turǵyn alańy kishkentaı turǵyn úılerde (páterlerde) turyp jatyr. Joǵaryda baıandalǵannyń negizinde Sizden qashyqtyqtan oqytýdy uıymdastyrý jáne aýyldyq eldi mekenderdi joǵarǵy jyldamdyqty Internetpen qamtamasyz etý boıynsha qajetti sharalar qabyldaýdy suraımyn» delingen depýtattyq saýalda.

Sońǵy jańalyqtar

Qazaqstan OPEK+ jańa sheshimin qoldady

Qazaqstan • Búgin, 11:32

Qulqynyn kóbirek oılaǵan jan qapy qaldy

Aımaqtar • Búgin, 09:30

Qyrshyn ketken sańlaq

Sport • Keshe

Erlikti dáripteıtin qomaqty qor

Rýhanııat • 05 Maýsym, 2020

Uqsas jańalyqtar