Bilim • 02 Sáýir, 2020

Aqmola oblysynda 10 myńnan astam oqýshy dástúrli oqytý ádisimen bilim alady

27 retkórsetildi

О́ńirlik kommýnıkasııalar qyzmetinde onlaın ótken baspasóz máslıhaty qashyqtyqtan oqytý júıesine arnalyp, oblystyq bilim basqarmasy basshysynyń orynbasary Botagóz Dúısenova qazirgi jaǵdaıdy baıandap berdi.

Elimizdegi tótenshe jaǵdaıǵa baılanysty mektep oqýshylarynyń qashyqtyqtan bilim alatyndyǵy áý bastan belgili bolyp, 6-shy sáýirge deıin daıyndyq jumystary jalǵasýy tıis-ti. Úshinshi toqsannyń kanıkýly da támamdalyp qaldy. Osy oraıda, bizdiń oblystyń jalpy orta bilim beretin mekemeleri qanshalyqty daıyn? Internet ustamaıtyn shalǵaıdaǵy aýyldar qaıtpek? Bul jaıly oblystyq bilim basqarmasy basshysynyń orynbasary Botagóz Balapaıqyzy jan-jaqty taratyp, aıtyp berdi:

– Búgingi kúni bizdiń oblysta 556 jalpy orta bilim beretin mekeme bar. Onda 127 myńnan astam oqýshy bilim alýda. 6 sáýirden bastap barlyq oqýshylar qashyqtan oqytý ádisi boıynsha tórtinshi toqsannyń sabaǵyn bastaýǵa daıyndalyp jatyr. Degenmen, osy 556 mekteptiń 187-si  burynǵy dástúrli túrde oqytylatyn boldy. Bular – shaǵyn jınaqtalǵan mektepter, ıaǵnı onda bilim alýshylar sany 80 oqýshyǵa jetpeıdi. Naqtylaı tússek, bul bastaýysh mektepterde 3-4 oqýshysy bar, negizgi mektepterde 20-30 ǵana oqýshy bilim alatyn jáne orta mektepterinde 50-60 oqýshy oqıtyn bilim ordalary. Sonymen birge aýyl mektebinde Internet bolǵanymen, turǵyndarynda onlaın sabaqqa shyǵýǵa múmkindigi joq shalǵaı eldi mekenderdiń de oqýshylary aýdan ákimderi men bilim bólimderi basshylarynyń sheshimimen dástúrli sabaq ótkizetin boldy, –dedi.

Osylaısha, bul 187 mekteptegi 10265 oqýshy dástúrli túrde burynǵy qalyppen bilim alýdy jalǵastyrady. Al, qala, aýdan ortalyǵy jáne selolyq okrýgter sekildi oqýshylary óte kóp mektepter qashyqtyqtan oqytylady. Osy qashyqtyqtan oqytylatyn mektepterge eldi mekenderdegi oqýshylar sanyna qaramastan, oblystyń tórt úlken aýdany kirip otyr. Býrabaı, Ereımentaý, Zerendi, Selınograd aýdandarynyń barlyq mektepteri qashyqtyqtan oqytylatyn boldy. Selınograd aýdany aıtpasa belgili,  Nur-Sultan qalasyna óte jaqyn ornalasqan jáne qazirgi tańda indettiń oshaǵyna aınalýda. Býrabaı aýdany – trassanyń ústinde turǵan úlken aýmaq.  Zerendi aýdany – oblys ortalyǵyna óte jaqyn ornalasqan, al, Ereımentaý Nur-Sultan qalasy men Pavlodar oblysynyń ortasynda ornalasqan jol ústindegi aýdan. Osyndaı sebepterdiń saldarynan aýdan ákimderi men bilim bóliminiń basshylary qashyqtyqtan oqytý kerek degen sheshim qabyldady.

Daıyndyq jumystary jan-jaqty júrgizilýde. Respýblıka boıynsha búgingi kúni qashyqtyqtan oqytý ádisimen daıyndyq maqsatyndaǵy onlaın sabaqtar ótkizilýde. Erteńgi kúni synyp jetekshiler oqýshylarmen olardyń ata-analaryna túsindirý jumystaryn júrgizedi. 3 sáýir kúni synyp saǵattary ótedi. Bul ata-ana, oqýshy jáne muǵalim arasyndaǵy baılanysty ornatýǵa arnalǵan is-áreketter. Naqty sabaq 6-shy sáýirden bastalady. Onlaın sabaqtar ár túrli platformalarda ótkiziledi. Onyń barlyǵy mektep oqýshylaryna túsindirilgen. Sonymen birge, vatsap, telegramm, messenjerleri arqyly muǵalimder tapsyrmalar berip, onlaın sabaqtaryn júrgize alady. Brıfıng barysynda oblysta qashyqtyqtan oqıtyn 1 myńǵa jýyq oqýshyda noýtbýk, kompıýter sekildi baılanysqa shyǵatyn quraldardyń qajet ekendigi aıtyldy. Bul máseleni mamandar oblysynyń bilim berý uıymdaryndaǵy, mektepterdegi kompıýterlerdi oqýshylarǵa ýaqytsha bere turý negizinde sheshipti.

– Mundaı onlaın sabaqtar buryn bolmaǵan, sondyqtan ata-analardy túsinistikpen qaraýǵa shaqyramyz. О́zderińiz balalaryńyzǵa kómek kórsete otyryp, shydamdylyq tanytýlaryńyz kerek. Bilim jáne ǵylym mınıstri Ashat Aımaǵambetov oblystyq bilim basshylarymen aqyldasa otyryp, osyndaı sheshim shyǵaryp otyr. Halyq arasynda oqýshylardy qazirgi ýaqytta kanıkýlǵa jiberip, shilde-tamyz aılarynda tórtinshi toqsandy oqytady degen negizsiz pikirler jaıly bilim berý salasy de aıtyldy. О́zderińiz bilesizder jazda balalar demalý kerek. Sondyqtan, osy tórtinshi toqsandy respýblıka boıynsha onlaın túrde, qashyqtan oqytý ádisimen oqytqaly otyrmyz. Sabaq jospar boıynsha 25 mamyrda aıaqtalady. Eger qosymsha ózgerister bolsa, habarlaımyz  –dedi Botagóz Dúısenova.

Tótenshe jaǵdaıǵa baılanysty mektepterge engizilgen qashyqtyqtan oqytý ádisi kezinde oqýshylar men ata-analar barlyq jaǵdaıǵa túsinistikpen, shydamdylyqpen, sabyrlyqpen qaraýlary tıis.

 

Sońǵy jańalyqtar

Erlikti dáripteıtin qomaqty qor

Rýhanııat • Keshe

Eki qylmystyq top ustaldy

Aımaqtar • Keshe

Eltańba tarıhy talqylandy

Rýhanııat • Keshe

Uqsas jańalyqtar